5 orë më parëAnton Quni flet lidhur me akuzat për fajde e haraç
Periskopi(6 vite më parë)
(6 vite më parë)Ministër i Mbrojtjes në Qeverinë e udhëhequr nga Albin Kurti do të jetë Anton Quni. Ish- ministri i Drejtësisë Abelard Tahiri nga radhët e Partisë Demokratike të Kosovës (PDK) që mbrëmë ka hedhur akuza të rënda në adresë të ministrit Quni dhe familjes së tij. Ai tha se ministri Anton Quni dhe familjarët e tij […]
Ish- ministri i Drejtësisë Abelard Tahiri nga radhët e Partisë Demokratike të Kosovës (PDK) që mbrëmë ka hedhur akuza të rënda në adresë të ministrit Quni dhe familjes së tij.
Ai tha se ministri Anton Quni dhe familjarët e tij merren me haraç, fajde e prostitucion.
E ndaj këtyre akuzave nuk ka heshtur ministri aktual i Mbrojtjes, Anton Quni. Ai ka thënë për FaktePlus, se do të konsultohet me familjarët e mandej do ta padisin Abelard Tahirin.
“Unë e dëgjova mbrëmë, do të konsultohem me familje dhe këtë çështje do ta drejtojnë organet e drejtësisë ku ai do të jetë i padituri për shpifje”, tha Quni.
E nuk është vetëm Quni ndaj të cilit Tahiri mbrëmë hodhi akuza.
Tahiri akuza ka hedhur akuza edhe për zëvendësministrin që vjen nga radhët e Lëvizjes Vetëvendosjes, Haki Abazi.
“Ne kemi akuzuar Haki Abazin për keqpërdorim të fondeve . Ne kemi akuzuar edhe një ministër për lidhjeve të njerëzve të tij qoftë për fajde, haraç e prostitucion. Partia Demokratike e Kosovës e ka akuzuar Anton Qunin si njeri dhe familjarët e tyre janë të involvuar në Prizren në fajde, haraç dhe në afera tjera të dëmshme që lidhen me aktivitet kriminale. Nuk e di për prostitucion por për fajde e haraç po”, ka thënë Tahiri.
