A mund ta shkarkojë Albin Kurti si kryeministër, Agim Veliun si ministër? Ja çka thotë marrëveshja (Dok)

Ndërkohë që dje, oponenti kryesor i Kurtit nga LDK-ja, Agim Veliu, u propozua nga partia e tij në ministrinë më të rëndësishme qeveritare bazuar në programin e harmonizuar mes të dyja partive, atë të Punëve të Brendshme.

Por, a mund ta shkarkojë Kurti z.Agim Veliu, apo ndonjëri prej ministrave, zv.kryeministrit apo zv.ministrave që vijnë nga LDK-ja?

Përgjigjja për këtë pyetje na vjen nga marrëveshja e publikuar për bashkëqeverisje mes këtyre dy partive, shkruan Periskopi.

Është saktësisht paragrafi që flet për “Emërimin dhe shkarkimin e anëtarëve të Qeverisë dhe zyrtarëve/trupave të tjerë që emërohen dhe shkarkohen nga Qeveria”.

Në këtë pikë marrim përgjigjen e prerë për pyetje: JO. Kurti nuk mund ta shkarkojë as z.Veliu e as ndonjë ministër apo zyrtarë të tjerë të Qeverisë nga radhët e LDK-së.

“Zëvendëskryeministrat, ministrat dhe zëvendësministrat i propozohen Kryeministrat nga Kryetari i subjektit politik me të cilin është bërë marrëveshja e koalicionit. Të njëjtit mund të shkarkohen nga Kryeministri në konsultim me Kryetarin e subjektit politik me të cilin është bërë marrëveshja e koalicionit, bazuar në një arsyetim që e pranon Kryetari i subjektit politik me të cilin është bërë marrëveshja e koalicionit. E njëjta gjë vlen për të gjithë të emëruarit e tjerë nga Qeveria.” – shkruhet aty.

Pra, nisur nga kjo gjë mund të thuhet se z.Kurti nuk mund ta shkarkojë asnjë ministër, zv.kryeministër apo zv.ministër nga LDK-ja edhe në qoftë se ndonjë prej tyre abuzon me pushtet.

Një gjë e tillë e lë z.Kurtin si kryeministër me fuqi të pjesshme sepse fuqia tjetër i takon krejtësisht z.Mustafa. /Periskopi