Zgjedhjet presidenciale: Kush po e fiton garën, Trump apo Biden?

Presidenti republikan po sfidohet nga i nominuari i Partisë Demokratike, Joe Biden, i njohur më së shumti si zëvendës-president i Barack Obamas që ka qenë në politikën amerikane prej viteve ’70.

Kush do të fitojë, çka thonë sondazhet?

Sondazhet kombëtare janë një udhëzues i mirë për të treguar se sa popullor është një kandidat në mbarë vendin, por nuk janë domosdo një mënyrë e mirë për të parashikuar rezultatin e zgjedhjeve, raporton BBC, përkthen Periskopi.

Në zgjedhjet e 2016-s, për shembull, Hillary Clinton udhëhoqi në sondazhe dhe fitoi gati 3 milionë vota më shumë se Donald Trump, e megjithatë humbi – për shkak se ShBA-ja e përdor sistemin e kolegjit elektoral, kështu që të fitosh më së shumti vota nuk iu fiton zgjedhjet gjithmonë.

Joe Biden ka qenë përpara Donald Trumpit në sondazhe prej fillimit të vitit. Epërsia e tij ka shkuar deri në 10 për qind.

Tash për tash, Biden ka 51 për qind ndërsa Trump i ka 43 sosh.

Shumcia e shteteve amerikane votojnë thuajse gjithmonë njësoj, që nënkupton se në realitet janë vetëm pak shtete ku të dy kandidatët kanë pak shanse për fitore. Këto janë vendet ku zgjedhjet fitohen e humben dhe njihen si shtete të betejave.

Në sistemin e kolegjit elektoral që përdoron ShBA-ja për të zgjedhur presidentin e saj, secili shtet ka numrin e caktuar të votave bazuar në atë se sa anëtar dërgon në Kongres – Dhomën e Përfaqësuesve dhe Senat. Një total prej 538 votash të kolegjit elektoral janë në dispozicion, kështu që kandidati për president duhet t’i fitojë 270 për të fituar garën.

Por, disa shtete kanë më shumë vota elektorale se të tjerat dhe ato pritet të kenë fjalën e tyre për presidentin e ri.

Kush po fiton në këto beteja?

Për momentin, sondazhet në shtetet e betejave duken mirë për Joe Bidenin, por ka goxha kohë përpara dhe gjërat mund të ndryshojnë shpejt, sidomos kur në fjalë është Donald Trump.

Sondazhet tregojnë se Biden është përpara në Michigan, Pennsylvani dhe Wisconsin – tri shtete industriale që rivali i tij Republikan i fitoi me 1 për qind margjinë në 2016-n.

Por, ishin pikërisht këto shtete që z.Trump ia dhuruan fitoren e madhe në 2016-n – e për të cilat fushata e tij është e brendosur. Margjinat e tij të fitoreve në Iowa, Ohio dhe Teksas ishte mes 8 dhe 10 për qind dikur por duket shumë më afër aktualisht.

Kompanitë e basteve, sidoqoftë, nuk po e heqin z.Trump qafe ende. Sipas basteve të fundit, ata i japin atij 40 për qind shans për të fituar më 3 nëntor, që nënkupton se disa njerëz presin që gjendja të ndryshojë javën e ardhshme. /Periskopi