Nis protesta e bujqve para ministrisë së Bujqësisë, kërkojnë të takohen me Mustafën

Një numër i bujqve nga rajone të ndryshme të Kosovës të mbështetur nga Federata Sindikale e Bujqve të Kosovës, po protestojnë para Ministrisë së Bujqësisë. Mirëpo protestuesit nuk po i bëjnë të ditura kërkesat e tyre pa prezencën e ministrit të Bujqësisë, Besian Mustafa.

Kryetar i Federatës Sindikale të Bujqësisë, Tahir Tahiri, ka thënë se po kërkojnë takim urgjent me ministrin Mustafa dhe se kërkesat e tyre nuk do të bëhet të ditura nëse ky i fundit nuk del në takim.

Derisa para protestuesve doli zëvendës ministri në Ministrinë e Bujqësisë, Pylltarisë dhe Zhvillimit Rural, Nehat Ramadani, i cili njoftoi protestuesit që ministri Mustafa i pret brenda në takim.

Por që këta të fundit vazhdojnë të kërkojnë që ministri të dalë para të gjithë protestuesit dhe jo vetëm përfaqësuesit të futen në takim.