Haziri flet pas mesazhit të Vjosa Osmanit ku e ofendoi rëndë Isa Mustafën

Kryetarja e Kuvendit Vjosa Osmani dhe kryetari i LDK’së, Isa Mustafa kanë shkëmbyer një sërë akuzash sot gjatë ditës. Vjosa Osmani përmes një shkrimi në Facebook e ka quajtur recidivist Shefin e LDK’së.

Osmaninë statusin kushtuar Isa Mustafës në Facebook ka thënë se ai është humbës i shumëfishtë i zgjedhjeve dhe nuk ka guxuar të kandidojë për kryeministër kundër Kurtit përveç njërit në LDK duke mos përmendur emra.

Por a është Lutfi Haziri personi të cilit Vjosa Osmani nuk ia ka përmendur emrin, meqë kreu i Gjilanit edhe hapur para zgjedhjeve kishte treguar se është gati të garojë për kryeministër.

Për këtë gjë  Express ka pyetur nënkryetarin e LDK’së nëse kryekuvendarja Osmani e ka pasur fjalën për të kur ka thënë se të gjithë në LDK me një përjashtim nuk kanë guxuar të përballen me Kurtin.

Haziri ka thënë shkurt se nuk e di çfarë ka menduar Osmani por që ai e ka mbështetur nominimin e saj për kandidate për kryeministre në zgjedhjet e gjashtë tetorit.

“Nuk e di, pytne Vjosën çka ka mendu. Unë e kam mbështet nominimin e Vjosës”, ka thënë shkurt Haziri.