6 orë më parëGjykatësi special premton shqyrtim të kërkesës për lirimin e Gucatit
Periskopi(6 vite më parë)
(6 vite më parë)Gjykatësi francez, Nicolas Guillou e ka mbyllur seancën e sotme gjyqësore duke ia dhënë një ‘premtim’ kryetarit të Organizatës së Veteranëve të Luftës së UÇK’së se do ta shqyrtojë mundësinë e lirimit të tij me kusht nga paraburgimi. Paraprakisht, avokati i Gucatit ka kërkuar nga gjykatësi që Gucati të lirohet me kusht nga paraburgimi derisa […]
Paraprakisht, avokati i Gucatit ka kërkuar nga gjykatësi që Gucati të lirohet me kusht nga paraburgimi derisa të shqyrtohen 4 kërkesat që ai i ka bërë në Dhomat e Specializuara.
“Z.Gucati, më lejoni të them se në bazë të nenit 51 dhe 57, unë do ta rishikojë ndalimin tuaj, paraburgimin tuaj, ose me kërkesë të avokatit mbrojtës tuajin, ose me iniciativën time”, tha Guillou.
Avokati i Gucatit tha se gjykatësi nuk mund t’i trajtojë akuzat që i vihen barrë Gucatit, duke kërkuar lirimin me kusht të klientit të tij.
“Ju z.gjykatës nuk mund t’i trajtoni këto çështje që keni ngritur sot. Është çështja e lirimit me kusht sepse Prokurorisë i është dhënë kohë që t’i përgjigjet kundërshtimeve me shkrim për ligjshmërinë e arrestimit, ndërkohë z. Gucati është dhe do tëmbetet në paraburgim, ndërkohë që pret përgjigjjen e Prokurorisë”, tha avokati.
Ai i premtoi gjykatësit se klienti i tij do të qëndronte 100 metra larg OVL të UÇK’së nëse do të vendosej lirimi i tij me kusht nga paraburgimi.
