3 orë më parëEfekti që sjell terapia me të cilën po trajtohet Trumpi
Periskopi(6 vite më parë)
(6 vite më parë)Mjeku i presidentit Trump, Sean Conley, ka thënë se kreu i Shtëpisë së Bardhë është duke u trajtuar me një terapi eksperimentale të antitrupave, të quajtur Regeneron. Çfarë është Regeneroni? Profesori Peter Horby, epidemiolog i Universitetit të Oksfordit dhe udhëheqës i Grupit Këshillues për Rreziqet nga Sëmundjet Respiratore, thotë se Regeneroni është një “koktej” me […]
Profesori Peter Horby, epidemiolog i Universitetit të Oksfordit dhe udhëheqës i Grupit Këshillues për Rreziqet nga Sëmundjet Respiratore, thotë se Regeneroni është një “koktej” me dy lloje antitrupash, shkruan BBC.
Antitrupat e prodhuar në mënyrë artificiale, të cilët e imitojnë mbrojtjen natyrore të organizimit kundër virusit, janë të caktuar të lidhen fort për një proteine në sipërfaqen e virusit, shtoi profesori Horby.
“Kjo ndihmon që t’ia parandalojë virusit ngjitjen në qeliza, hyrjen në to dhe shumimin. Gjithashtu, e ndihmon sistemin tonë imunitar që ta sulmojë dhe ta vrasë virusin”, tha ai.
Sipas profesorit britanik, Regeneroni është një ndër ilaçet më premtuese për trajtimin e sëmundjes Covid-19 për shkak se ka një efekt të fuqishëm në kulturat e qelizave laboratorike dhe në testet që janë bërë në kafshë.
Kjo substancë, thotë ai, është pjesë e testimeve në Britani të Madhe, ku më parë është vërtetuar se edhe deksametazoni është një trajtim efektiv.
Regeneroni tashmë është i gatshëm për pacientët në tri spitale në veri të Anglisë si pjesë e testimeve dhe do të shpërndahet edhe në 30 ose 40 spitale të tjera, tha profesori Horby
