Doktorët: Presidenti Trump e rrezikon mbipesha dhe mosha pas infektimit me koronavirus

74 vjeçari të premten njoftoi në Twitter se ai bashkë me gruan, Melanian, ishin testuar pozitivisht për virusin.

Një studim i publikuar në muajin mars në revistën mjekësore The Lancet, kishte gjetur se ndërsa shkalla e përgjithshme e vdekjeve për njerëzit me Covid-19 ishte 1,4 për qind, ajo ngritej në 8,6 për qind për njerëzit në të 70-at, raporton Guardian, përcjell Periskopi.

Ky studim ishte bazuar në të dhënat e marra nga Kina.

Dr.Barry Dixon, një fizikan i kujdesit intenziv në një spital në Australi, tha se rreziku i Trumpit do të rritej nëse do të zhvillonte pneumoni, që shoqërohet me shkallën e lartë të vdekshmërisë nga Covid-19, posaçërisht te njerëzit mbi 65 vjeçar.

“Ai do të ketë shumë rrezik që të vdes nëse zhvillon pneumoni të keqe,” tha Dixon. “Ka të tjerë faktorë rrezikues dhe bashkë-vdekshmëria e tillë si nëse jeni duhanpirës, keni diabetë, apo keni sëmundje të zemrës. Faktorët kryesorë për Trumpin janë mosha e tij dhe fakti që është në mbipeshë.”