Deputetja e AAK-së kërkon nga Perëndimi ta dënojë gjuhën kriminale të zyrtarëve serbë

Ajo në një postim në Facebook ka thënë se ata që shkaktuan tragjedi në fundshekullin e kaluar po vazhdojnë me gjuhën e njëjtë.

“Ata tashmë e dinë se krimet që i kryen mbi popuj të pambrojtur do i shoqërojnë përjetësisht, ndërsa Kosova e lirë dhe e pavarur e ka themelin pikërisht në atë sakrificë, dhe rruga e saj e pa kthim drejt BE-së është vizion i ynë duke e ruajtur miqësinë e përjetshme me SHBA-në”, ka thënë Kadrijaj.

Ajo ka thënë se zëri i mijëra viktimave të pafajshme duhet të zgjojë ndërgjegjen e Perëndimit dhe ta dënojë gjuhën kriminale të zyrtarëve serbë.

“Ata që shkaktuan tragjedi në fundshekullin e kaluar po vazhdojnë me gjuhën e njëjtë. Ata tashmë e dinë se krimet që i kryen mbi popuj të pambrojtur do i shoqërojnë përjetësisht, ndërsa Kosova e lirë dhe e pavarur e ka themelin pikërisht në atë sakrificë, dhe rruga e saj e pa kthim drejt BE-së është vizion i ynë duke e ruajtur miqësinë e përjetshme me SHBA-në.”

“Zëri i mijëra viktimave të pafajshme duhet të zgjojë ndërgjegjen e Perëndimit dhe ta dënojë gjuhën kriminale të zyrtarëve serbë, të kërkojnë drejtësi për të pafajshmit qe u viktimizuan në fundshekullin e kaluar”, ka shkruar ajo.

Ndryshe, ndaj deklarimeve raciste të zyrtarëve serbë sot ka reaguar edhe kryeministri I Shqipërisë Edi Rama, i cili doli në mbrojtje të luftës së Ushtrisë Çlirimtare të Kosovës, duke thënë se çlirimtarët padyshim ishin në Kosovë, ndërsa kriminelët janë ende në Serbi.

“Sa për UÇK për mua janë çlirimtarë, vrasësit ishin në Beograd dhe për mua atje ka akoma vrasës. Asnjë personalitet serb nuk e ndryshon dot historinë për një fakt të thjesht. Nuk e sulmoi Kosova, Serbinë por ndodhi e kundërta, iu dogjën shtëpi e katandi, ishin nga Beogradi ishin ushtarët e Sllobodanit, u përdorën për djegie plaçkitje, përdhunime dhe spastrim etnik. Çlirimtarët janë në Kosovë, kriminelët e asaj lufte janë disa nënë dhe disa mbi dhe por janë në Beograd,” është shprehur Rama.