5 orë më parëBoris Johnson: Donald Trump do të kthehet shëndosh e mirë
Periskopi(6 vite më parë)
(6 vite më parë)Kryeministri i Britanisë së Madhe, Boris Johnson, ka këmbëngulur se Donald Trump “do të kthehet shëndosh e mirë”, duke iu referuar gjendjes së tij shëndetësore pas prekjes së të parit të SHBA-ve me Covid-19, përgjatë një interviste në BBC gjatë ditës së sotme. Në një intervistë me Andrew Marr Show në BBC, Johnson gjithashtu iu […]
Kryeministri i Britanisë së Madhe, Boris Johnson, ka këmbëngulur se Donald Trump “do të kthehet shëndosh e mirë”, duke iu referuar gjendjes së tij shëndetësore pas prekjes së të parit të SHBA-ve me Covid-19, përgjatë një interviste në BBC gjatë ditës së sotme.
Në një intervistë me Andrew Marr Show në BBC, Johnson gjithashtu iu dha fund spekulimeve se ai nuk ishte shëruar plotësisht nga Covid-19. Shefi i ekzekutivit të Mbretërisë së Bashkuar (MB) ishte infektuar me virusin korona në prill të këtij viti, raportojnë mediet britanike.
Ai i mohoi kategorikisht zgjatjen e simptomave të Covid-19, duke thënë se “ishte në gjendje më të mirë sesa rotveilerët (racë e qenit)”.
Komentet erdhën pasi Trump tha se po ndihej “shumë më mirë”, pavarësisht raportimeve kontradiktore për gjendjen e tij.
Ekipi mjekësor i presidentit tha se ai po bënte “shumë mirë” dhe ishte në “gjendje jashtëzakonisht të mirë emocionale” në një përditësim të lëshuar dje.
Deklarata zyrtare u lëshuar për më pak se 24 orë pasi ai u dërgua me helikopter në Qendrën Kombëtare Mjekësore Ushtarake Walter Reed pranë Washington DC.
I pyetur për gjendjen e zotit Trump, Johnson tha se “jam i sigurtë që presidenti Trump do të jetë mirë, ai gjendet nën kujdesin më të mirë të mundshëm”.
“Gjëja më e rëndësishme për t’u bërë nga ai është të ndjekë këshillat e mjekëve”, shtoi tutje lideri i Partisë Konservatore në MB.
