4 orë më parëAbrashi: Në SHBA na kërkuan koston e projekteve, për disa s’kishim përgjigje
Periskopi(6 vite më parë)
(6 vite më parë)Ministri i Infrastrukturës, Arban Abrashi, gjatë raportimin në Komisionin parlamentar për Bujqësi, Pylltari, Zhvillim Rural, Infrastrukturë dhe Mjedis lidhur me marrëveshjen e nënshkruar në Washington, ka zbuluar detaje nga takimi në Shtëpinë e Bardhë. Abrashi ka thënë se nuk kishin pasur përgjigjje në pyetjet e zyrtarëve të SHBA-së lidhur me koston e disa projekteve infrastrukturore […]
Abrashi ka thënë se nuk kishin pasur përgjigjje në pyetjet e zyrtarëve të SHBA-së lidhur me koston e disa projekteve infrastrukturore që u prezantuan nga pala kosovare, raporton Gazeta Express.
“Problemin më të madh e kam pasë kur zyrtarët në SHBA kanë kërku koston, e për disa nuk e kemi pasë koston. E kam pasë për autostradën Merdare saktë, sepse ka pasë plan-detaj, për hekurudhë s’e kam pasë, për plan të fizibilitetit s’e kam pasë. Për Brezovicë ka qenë një orientim se sa mundet me kushtu. Për Banullë – Dule e kam pasë një orientim”, ka thënë Abrashi.
Ai ka thënë se brenda Qeverisë së Kosovës, por edhe me partnerët në SHBA, projektet infrastrukturore u diskutuan nga qershori deri në takimin e mbajtur në Shtëpinë e Bardhë.
“Mundem me i bë publik e-mailet edhe në qershor, edhe para takimit për secilin projekt. Dmth secili projekt është diskutu gjithsesi me Qeverinë, gjithsesi edhe me partnerët tanë, SHBA-në. Deri në ditën e fundit janë diskutu detajet për secilin projekt. Prandaj, secilin projekt që e kam përfshi atje, duke përfshi edhe Brezovicën, edhe autostradën, edhe këtë hekurudhën, edhe Banullë – Dule, të gjitha kanë qenë të diskutuara në qeveri me ekspertë vendorë dhe njerëzit të cilët e njohin këtë fushë”, është shprehur Abrashi.
Projektet infrastrukturore, sipas Abrashit, megjithatë kanë qenë të menduara mirë dhe të paraqitura mirë në SHBA.
