Zyrtari i VV’së sulmon mediat për paaftësinë e Albin Kurtit për të bërë Qeverinë

Ai pretendon se bisedimet janë instensive si kurrë më parë, ndërkohë që tash e tre muaj nuk ka asnjë  rezultat për formimin e Qeverisë së re.

Albin Kurti e Isa Mustafa as në takimin e sotëm nuk dolën me marrëveshje për koalicion.

Ja reagimi i plotë i Zaimit në Facebook:

Portalet menjëherë fillojnë me spekulime pa lidhje. Gazetaria dhe spekulimi janë gjëra të ndryshme. Rrenat nuk janë lajm. Bisedimet mes LV e LDK janë duke u zhvilluar, intensive si kurrë më parë. Ka opsione të reja në tavolinë, ka edhe lëvizje, por ende nuk ka marrëveshje. Do të marrë kohën e vet marrëveshja, sepse ne nuk dëshirojmë marrëveshje të padrejtë.

Kur s’keni çfarë bëni, lexoni letërsi ose shihni ndonjë film, siç bëj unë. S’ka nevojë për fake neës.