5 orë më parëZogiani i VV-së me pretendim të çuditshëm për qeverisjen e sotme dhe ata që i thanë kriminel Gërvallës
Periskopi(6 vite më parë)
(6 vite më parë)Një koment i bërë nga gazeta më e rëndësishme shqiptare në vitet ’80, “Rilindja” ka shkaktuar bujë të madhe në hapësirën digjitale shqiptare. Në atë koment përdoreshin fjalë të rënda për heroin Jusuf Gërvalla, vëllain e tij Bardhoshin si dhe bashkëveprimtarin Kadri Zeka. Së fundi ka reaguar edhe kandidati për deputet i Vetëvendosjes në zgjedhjet […]
Së fundi ka reaguar edhe kandidati për deputet i Vetëvendosjes në zgjedhjet e 6 tetorit, z.Avni Zogiani, në profilin e tij në Facebook pas ripublikimit të atij komenti skandaloz.
Ai shkruan se “shqiptarët ishin viktima përgjatë tërë ekzistencës së pushtetit jugosllav e serb, pushtet ky që u bart nga strukturat e njëjta ose të ngjashme biznesore e politike që Kosovën e qeverisin edhe sot…”, përcjell Periskopi.
Nuk dihet se për cilat struktura konkretisht e ka fjalën z.Zogiani, për cilat parti politike në Kosovë.
Por, çka shkruhej në komentin e “Rilindjes”?
Ky shkrim ishte titulluar “Mllef i ri shovenist nga Tirana” dhe konteston patriotizmin e vëllezërve Gërvalla, dhe Kadri Zekës që ishin vrarë vetëm disa ditë para këtij komenti.
Radio Tirana në fakt tregonte se si Gërvalla ishte vrarë nga shërbimi sekret jugosllav i cili po vazhdonte shtypjen e të drejtave të shqiptarëve në Jugosllavi. Por, kjo kontestohej nga kosovarët e Rilindjes.
“Radio Tirana pas dy ditësh emitoi lajmin e ATSH-së për këtë ngjarje me titull të paskrupullt se “Djemtë e Kosovës i vranë serbomëdhenjtë”, ATSH-ja dhe Radio Tirana pohimin e vetë “mbështesin” në fjalët e të vrarit Jusuf Gërvalla gjoja të thëna para vdekjes.” – shkruhet në një paragraf.
Më tej, shkruhet: “Popujt tanë, as shqiptarët e as serbët, nuk kanë të bëjnë me aktet e këtyre grupeve kriminale emigrante, dezertorësh e tradhtarësh të vendit.”
Më poshtë e keni ekstraktin e këtij komenti të tmerrshëm dhe statusin e z.Zogiani:
Eshte e tmerrshme kur e mendon se Kosova nuk ka dalur shume nga kontrolli i njerezve qe vran patriotet dhe u kthyen ne Prishtine per t’i diskredituar ata.
Ata themeluan parti ose i vendosen nen kontrolle ato per ta rikthyer prape idene e Jugoslavise dhe ndikimin serb ne Kosove… shqiptaret ishin viktima pergjate tere ekzistences se pushtetit jugosllav e serb, pushtet ky qe u bart nga strukturat e njejta ose te ngjashme biznesore e politike qe Kosoven e qeverisin edhe sot…
