4 orë më parëZbulohet arsyeja pse gjeneral Soleimani ishte në Irak: Po punonte t’i jepte fund luftës së përgjakshme
Periskopi(6 vite më parë)
(6 vite më parë)Vrasja e tij shkaktoi një frikë të madhe ndërkombëtare mbi përshkallëzimin e konfliktit mes ShBA-ve dhe Iranit, me analistë që nuk ngurruan të përmendnin as Luftën e III Botërore. Ai u vra në Irak nga një sulm me dron prej forcave amerikane. Por, pse gjenerali Kasim Soleimani ishte në Irak? Kryeministri i Irakut së fundi […]
Kryeministri i Irakut së fundi ka zbuluar që e kishte në agjendë takimin me gjeneralin e vrarë iranian për të diskutuar lëvizjet që duhej të bëheshin për të lehtësuar konfrontimin mes shiitëve iranianë dhe sunitëve sauditë – thelbi i shumë konflikteve në Lindje të Mesme dhe matanë saj.
Adil Abdul-Mahdi ishte i qartë: “Unë duhej të takohesha me të në mëngjesin e ditës kur u vra, ai po vinte që të më dorëzonte një mesazh nga Irani si përgjigjje për mesazhin që kemi marrë nga sauditët për Iranin.”
Kryeministri irakian po ashtu zbuloi që presidenti amerikan Donald Trump e kishte thirrur atë për ta pyetur që të ndërmjetësonte pas sulmit që u bë ndaj ambasadës amerikane në Bagdad, shkruan Independent, përkthen Periskopi.
Sipas zyrtarëve irakian kishte pasur kontakt me një numër të madh milicësh ashtu si figurash të larta në Teheran. Ambasada ishte shpëtuar ndërsa presidenti amerikan personalisht kishte falenderuar kryeministrit Abdul-Mahdi për ndihmën.
Nuk kishte asgjë që sugjeronte se ishte e pasigurtë që Soleimani të udhëtonte për në Bagdad. Është e mundshme që presidenti amerikan nuk ka qenë i informuar mbi rolin kyç që kishte Soleimani në përpjekjen për t’u pajtuar me Sauditët.
Ka sugjerime që nuk është në interesin e presidentit që të qetësohet konflikti saudito-iranian për shkak të eksportit të armëve nga i cili përfiton ShBA-ja.
Abdul Mahti foli me zhgënjim të madh duke thënë që Trumpi derisa po e falenderonte e po i shprehte mirënjohje atij për ndërmjetësimin, në anën tjetër po planifikonte sulmin ndaj Soleimanit. /Periskopi
