5 orë më parëVirusi vdekjeprurës, kinezëve u bëhet thirrje të mos udhëtojnë për në Wuhan
Periskopi(6 vite më parë)
(6 vite më parë)Autoritetet kineze u kanë bërë thirrje qytetarëve që të mos udhëtojnë brenda dhe jashtë qytetit Wuhan, pas përhapjes së virusit i cili ka përfshirë këtë pjesë, duke lënë të vdekur nëntë persona deri më tani. Atyre që jetojnë në qytetin prej 8,9 milionë banorëve u është thënë që të shmangin turmat dhe minimizojnë tubimet publike, […]
Autoritetet kineze u kanë bërë thirrje qytetarëve që të mos udhëtojnë brenda dhe jashtë qytetit Wuhan, pas përhapjes së virusit i cili ka përfshirë këtë pjesë, duke lënë të vdekur nëntë persona deri më tani.
Atyre që jetojnë në qytetin prej 8,9 milionë banorëve u është thënë që të shmangin turmat dhe minimizojnë tubimet publike, shkruan BBC.
Virusi i ri është përhapur nga Wuhan në disa provinca kineze, si dhe në SHBA, Tajlandë dhe Korenë e Jugut.
Deri më tani janë 440 raste të konfirmuara që janë prekur nga ky virus.
“ Mos shkoni në Wuhan. Dhe ju që jetoni në Wuhan ju lutëm mos e lëshoni qytetin”, tha zv ministri i Komisionit Kombëtar të Shëndetësisë Li Bin, në deklaratë, përcjell Periskopi.
