The Guardian rendit muzeun Etnologjik të Prishtinës në mesin e 12 muzeve më të mira në Evropë

The Guardian ka shkruar një artikull për muzetë më të mirë të qytetit në Evropë.

Në mesin e 12 muzeve më të mira në Evropë është edhe ai Etnologjik në kryeqytetin e Kosovës.

Elizabeth Gowing e përshkruan atë si një “muze simpatik me dy shtëpi të ruajtura të periudhës otomane”.

“Po prisni enë me pluhur dhe qilima? Jo aq në këtë muze simpatik me dy shtëpi të mrekullueshme të ruajtura të periudhës otomane në kryeqytetin e vendit më të ri në Evropë. Ciceronët do iu ofrojnë një turne entuziast rreth hapësirave që më parë ishin të banuara – nga “dhoma e zjarrit” kuzhina deri te akomodimi që iu ofrohej miqve në çdo orë të ditës apo të natën, në përputhje me rregullat strikte të mikpritjes shqiptare. Tradita të tilla duket se vdesin ngadalë dhe ciceronët anglishtfolës gjithashtu do të zgjedhin për ju arra dhe mana nga kopshtet e muzeut”, shkruan Gowing.

Kujtojmë që Muzeu ndodhet në kompleksin Emin Gjiku, një monument i kulturës nga shekulli i 18-të. Kjo shtëpi dikur ishte në pronësi të familjes së Emin Gjikollit. Në muze janë të ekspozuara mjetet dhe artikujt që lidhen me stilin e jetës nga periudha e periudhës osmane të Kosovës.