Tallet për vizat Ambasada gjermane në Kosovë, e më pas kërkon falje

Ambasada gjermane në Kosovë ka lëshuar një cicërimë tallëse në twitter lidhur me çështjen e vizave.

Dje kjo ambasadë ka lëshuar një deklaratë në të cilën thuhet ‘ kërkesa për vizë iu është aprovuar’  ndërsa më pas postimi i njëjtë është fshirë.

E njëjta ka bërë një sqarim përmes të cilit ka kërkuar edhe falje.

“ Humori duket se nuk është pika jonë e fortë.  Ne e kemi fshirë cicërimin e lëshuar më parë dhe kërkojmë falje për të gjithë ata që janë ndjerë të ofenduar. Ne e dimë që procesi i vizave është kompleks,, dhe vendimi për vizat mund të ndikojë thellë në jetët e njerëzve. Ne i marrim me shumë seriozitet këto vendime’, thuhet në sqarimin e Ambasadës gjermane në twitter.

Kujtojmë se mbi 50 mijë kosovarë aplikojnë çdo vit për viza në ambasadën gjermane në Kosovë.

Procesi për liberalizmin e vizave për Kosovën është shtyrë nga viti në vit, meqë Bashkimi Evropian ka konsideruar se vendi nuk i ka përmbushur të gjitha kriteret për liberalizim.

Kosova mbetet vendi i vetëm në Ballkanin perëndimor që nuk mund të lëvizë lirshëm në vendet evropiane. /Periskopi/