4 orë më parëSulmi i Iranit: Trupat amerikane të shënjestruara me raketa balistike
Periskopi(6 vite më parë)
(6 vite më parë)Dy baza ajrore që strehojnë trupat amerikane në Irak janë goditur nga më shumë se një duzinë raketa balistike, sipas Departamentit të Mbrojtjes të SHBA. TV shtetëror iranian thotë se sulmi është një hakmarrje pasi komandanti i lartë i vendit Qasem Soleimani u vra në një sulm me dron në Bagdad, me urdhër të presidentit […]
TV shtetëror iranian thotë se sulmi është një hakmarrje pasi komandanti i lartë i vendit Qasem Soleimani u vra në një sulm me dron në Bagdad, me urdhër të presidentit amerikan Donald Trump.
Pentagoni thotë se dy site u sulmuan, në Irbil dhe Al Asad. Është e paqartë nëse ka pasur viktima. “Presidenti është informuar dhe po monitoron nga afër situatën dhe po këshillohet me ekipin e tij kombëtar të sigurisë,” tha zëdhënësi i Shtëpisë së Bardhë Stephanie Grisham në një deklaratë, shkruan BBC, përcjellë Periskopi.
Garda Revolucionare e Iranit tha se sulmi ishte si hakmarrje për vdekjen e Soleimani të Premten.
“Ne po paralajmërojmë të gjithë aleatët amerikanë, të cilët i dhanë bazat e tyre ushtrisë së saj terroriste, se çdo territor që është pika fillestare e veprimeve agresive kundër Iranit do të jetë në shënjestër,” tha ajo përmes një deklarate të mbartur nga agjensia shtetërore e Iranit, IRNA.
Ministri i Jashtëm iranian Javad Zarif lëshoi më vonë një deklaratë në Twitter, duke pretenduar se sulmi ishte vetëmbrojtje dhe mohoi të kërkonte të përshkallëzonte situatën në luftë.
Presidenti Trump cicëroi tweetin menjëherë pas kësaj, duke insistuar se “gjithçka është mirë”, ndërsa shtoi se ata ende nuk kishin vlerësuar viktimat e mundshme.
