5 orë më parëShpëtohet alpinistja e cila u aksidentua në malin e Tomorrit
Periskopi(6 vite më parë)
(6 vite më parë)Ministrja e Mbrojtjes, Olta Xhaçka tha se një helikopter i Forcave të Armatosura evakuoi alpinisten e aksidentuar duke e transportuar drejt Spitalit. Sipas saj operacioni ishte i vështirë, por ia dolën. “Operacion i vështirë por djemtë tanë ia dolën të evakuojnë alpinisten e aksidentuar në malin e Tomorrit, në lartesinë 7000 ft dhe në kushtet […]
Ministrja e Mbrojtjes, Olta Xhaçka tha se një helikopter i Forcave të Armatosura evakuoi alpinisten e aksidentuar duke e transportuar drejt Spitalit.
Sipas saj operacioni ishte i vështirë, por ia dolën.
“Operacion i vështirë por djemtë tanë ia dolën të evakuojnë alpinisten e aksidentuar në malin e Tomorrit, në lartesinë 7000 ft dhe në kushtet e shikimit të kufizuar. Bashkëpunim i shkëlqyer i pilotëve të Forcës Ajrore me grupin e mjekëve të Qendrës Kombëtare të Urgjencës Mjekësore”, shkruan Xhaçka në Facebook.
Alpinistja u aksidentua në Malin e Tomorrit mesditën e sotme dhe ka thyer një këmbë.
Ngjarja ndodhi në afërsi të Çesmës së Tarikos. Ajo fillimisht u ndihmua për tu nxjerrë nga vendi ku rrëshqiti nga bashkudhëtarët e tij në këtë aventurë.
Burime të Komisariatit të Policisë Skrapar, bëjnë me dije se, alpinistët ishin nisur në mëngjes nga Qafa e Dardhës në Librazhd drejt Malit të Tomorrit.
Të njëjtat burime konfirmojnë se, 4 alpinistët kishin kaluar Çesmën e Tarikos dhe po i drejtoheshin pikës më të lartë të Malit të Tomorrit, në momentin kur njëri prej tyre rrëshqiti.
