3 orë më parëSalvini: Shqiptarët me letra i kam vëllezër dhe motra, ata me drogë jashtë
Periskopi(6 vite më parë)
(6 vite më parë)Kryetari i Lega Nord dhe politikani më i fuqishëm në Itali, Matteo Salvini, gjatë një mitingu në Emilia-Romagna ka deklaruar se shqiptarët që janë me dokumente të rregullta në vendin e tij, i ka vëllezër dhe motra. Kjo deklaratë erdhi pasi Salvini pa një qytetar që hamendësohet të jetë shqiptar e i cili po e […]
Kjo deklaratë erdhi pasi Salvini pa një qytetar që hamendësohet të jetë shqiptar e i cili po e valëviste flamurin italian, atë shqiptar si dhe të partisë Lega.
“Shihni se sa i bukur është ai flamur, krahas flamurit tonë trengjyrësh është edhe flamuri i Lega-s [partisë] dhe flamuri shqiptar.
Sepse kush ka ardhur me dokumente të rregullta në Itali, paguan taksat dhe ngjall respekt, është vëllai im, motra ime.
Rroftë komuniteti i emigrantëve, të respektueshëm, të integruar, me edukatë. Italia është shtëpia juaj. Por na kanë ardhur në majë të hundës shpërndarësit e drogës dhe kujdestarët e prostitucionit. Për këta kemi një biletë vetëm vajtjeje, për t’u kthyer andej nga kanë ardhur”, shtoi Salvini.
Kujtojmë se z.Salvini është akuzuar shpesh nga kritikët për përdorim të retorikës ksenofobike e raciste ndaj emigrantëve. /Periskopi
