Sa shpesh bëjnë seks njerëzit, në bazë të moshës që kanë

Një jetë e shëndetshme seksuale ka shumë përfitime, por angazhimet e tilla si puna, zgjedhjet personale, besimi dhe madje mosha mund ta parandalojnë atë.

Ndonëse nuk ka ndonjë mënyrë përcaktuese për të vendosur se sa shpesh duhet të kryhet marrëdhënie seksuale, është e mundur të mësoni se sa shpesh bëjnë seks grupe me mosha të ndryshme.

Një gjë të tillë e ka mundësuar Instituti Kinsey, i cili hulumton seksualitetin njerëzor. Ai ka kryer një studim në këtë fushë.

Këto janë gjetjet e tyre:

18-29 vjeç

Janë të rinjtë ata që kryejnë më së shpeshti marrëdhënie seksuale, sipas studimit.

Në bazë të rezultateve të hulumtimit, meshkujt humbin virgjërinë në moshën mesatare 16.8 vjeç, ndërkaq tek femrat është 17.2.

Të rinjtë kryejnë marrëdhënie seksuale mesatarisht 112 herë në vit.

30-39 vjeç

Ndërsa rritemi, dhjetra gjëra ndryshojnë në jetën tonë.

Sidoqoftë, seksi nuk konsiderohet i huaj në këtë moshë, derisa raporti potencon se kjo grupmoshë kryen marrëdhënie intime 86 herë në vit.

40-49 vjeç

Studimi tregon se njerëzit në këtë grupmoshë bëjnë seks rreth 69 herë në vit.

Kjo duhet të jetë një surprizë pasi fëmijët, jeta familjare dhe streset e tjera të ditës mund të minojnë seriozisht epshin e kujtdo që i përket kësaj moshe.

50+ vjeç

Raporti Kinsey nuk ka hetuar jetën seksuale të të moshuarve më të vjetër, por hulumtimi është në punim e sipër.

Sipas Women Healthy, ekziston një shans 40 përqind i kryerjeve të marrëdhënieve seksuale në dy ose tre herë në javë midis çifteve që janë të martuar për më shumë se 25 vjet.