Rrëfimi i breshkës me emrin Diego: Bëri seks dhe prodhoi mbi 800 ‘foshnje’ që të mos i zhdukej fara

Kur programi i shtimit kishte filluar, vetëm 15 përfaqësues të species Chelonoidis hoodensis mbetën në pyll në ishullin e Espanjolas. Dymbëdhjetë ishin femra dhe tre prej tyre ishin meshkuj.

Zhdukja e tyre dukej e pashmangshme. Por, e përfshirë në programin për shtim ishte Diego, një mashkull i marrë hua nga Kopshti Zoologjik i San Diegos, shkruan The Guardian, përkthen Periskopi.

Përfshirja e breshkës Diego në program doli të ishte tepër e rëndësishme. Programi për shtim i prodhoi 2 mijë breshka të reja, 40 për qind prej të cilave falë z.Diego, breshkës që aktualisht është mbi 100 vjeçar.

“Ne zhvilluam modele matematikore me skenarë të ndryshëm për 100 vitet e ardhshme dhe në në të gjithë këta skenarë ishte se ky ishull kishte kushte të mjaftueshme për të mbajtur popullatën e breshkave që do të vazhdonin të rriteshin normalisht, madje edhe pa përfshirjen e të rinjve,” tha Washington Tapia, drejtor i Iniciativës për Restaurimin e Breshkave të mëdha.

Zyrtarët thanë se suksesi i programit ishte edhe falë zhdukjes së specieve tjera dhe kultivimit të kaktusit që ndihmon breshkat.

Sipas Iniciativës së z.Taopia, në mes të shekullit 19, breshkat shërbenin si ushqim për piratët dhe gjuetarët e balenave dhe po ashtu kërkoheshin për prodhimin e vajit. /Periskopi