5 orë më parëPrinci Harry me Meghanin tërhiqen si mbretërorë të lartë: Familja Mbretërore “e lënduar”
Periskopi(6 vite më parë)
(6 vite më parë)Familja Mbretërore thuhet të jetë “lënduar” pasi që Duka dhe Dukesha e Suseksit njoftuan se do të tërhiqeshin si pjesëtarë të lartë të familjes mbretërore. Princi Harry dhe Meghani nuk u konsultuan me ndonjë zyrtar të lartë mbretëror para se ta bënin deklaratën, ka kuptuar BBC. Pallati Buckingham ishte “qorruar”, ka thënë korrespondenti i familjes […]
Princi Harry dhe Meghani nuk u konsultuan me ndonjë zyrtar të lartë mbretëror para se ta bënin deklaratën, ka kuptuar BBC.
Pallati Buckingham ishte “qorruar”, ka thënë korrespondenti i familjes mbretërore nga BBC, Jonny Dymond, derisa bisedimet rreth të ardhmes së tyre kishin filluar por ishin në një fazë shumë të hershme.
Pallati mbretëror tha se kishte “çështje të komplikuara” me të cilat duhej të merreshin, përkthen Periskopi.
Në deklaratën e tyre të djeshme, Harry dhe Meghan thanë se kishin marrë vendime “pas muajsh të tërë reflektimi dhe bisedimesh të brendshme.”
Ata shtuan se donin të tërhiqeshin si zyrtarë të lartë të Familjes Mbretërore, dhe të punonin që të bëheshin të pavarur financiarisht.
Historianja mbretërore Kate Williams tha se do të ishte e “zorshme” për Harryn dhe Meghanin që të bëjnë jetë “normale”, ndërsa interesimi i mediave veç sa do të rritet pas kësaj lëvizjeje “të paprecedent”. /Periskopi
