8 orë më parëPolicia e konfirmon arrestimin e kërcënuesit të prokurores, Drita Hajdari
Periskopi(6 vite më parë)
(6 vite më parë)Sot rreth orës 22:00 është arrestuar njëri nga personat e dyshuar që e ka kërcënuar prokuroren Drita Hajdari. Zyrtari i Policisë për Informim, Baki Kelani e ka konfirmuar lajmin për Periskopin duke mos bërë të ditur identitetin e të arrestuarit. “Lidhur me rastin në fjalë, pas hetimeve intensive dhe veprimeve policore, është arrestuar një person […]
Sot rreth orës 22:00 është arrestuar njëri nga personat e dyshuar që e ka kërcënuar prokuroren Drita Hajdari.
Zyrtari i Policisë për Informim, Baki Kelani e ka konfirmuar lajmin për Periskopin duke mos bërë të ditur identitetin e të arrestuarit.
“Lidhur me rastin në fjalë, pas hetimeve intensive dhe veprimeve policore, është arrestuar një person i dyshuar. Policia e Kosovës në bashkëpunim dhe koordinim me prokurorinë kompetente është duke vazhduar procedurat e mëtejme ligjore”, tha Kelani.
Njësitë Speciale të Policisë së Kosovës kanë nisur bastisje në lagjen “Kalabria” ku dyshohet se ka jetuar njëri nga personat e dyshuar për kërcënimin e prokurores Drita Hajdari.
Kujtojmë se ishte prokurorja Drita Hajdari ajo që ka ngritur aktakuzë ndaj të dyshuarve në rastin “Pronto”. Mirëpo Gjykata Themelore në Prishtinë ka vendosur që t’i lirojë të dyshuarit nga akuzat./Periskopi/
