Perteshi: Amerika shkeli të drejtën ndërkombëtare me vrasjen e Soleimanit

Në Rubikon të KTV-së në kuadër të debatit për tensionet mes Amerikës e Iranit, Perteshi ka thënë se për vrasjen e Soleimanit, administrata Trump s’ka marrë fare aprovimin nga Kongresi Amerikan siç ka bërë në rastet e shkuara.

“Sulmi është bë ndaj një gjenerali të pranuar ndërkombëtarisht dhe në një territor të një shteti tjetër, shtet i njohur sovran e anëtar i Kombeve të Bashkuara. Është sulmuar gjenerali iranian brenda Irakut, është e ndaluar në aspektin e së drejtës ndërkombëtare. Në të drejtën për vetëmbrojtje mund të legjitimohet nëse ka pësuar SHBA-ja ndonjë sulm. Është e pamundshme të justifikohet kjo. Në kuadër të vetëmbrojtjes mund të marrësh sulme por duhet të kesh shumë fakte e arsye për të bërë sulm të tillë. S’mund të jetë i njëjtë ky vendim, sikur ai në Pakistan për vrasjen e Bin Ladenit, apo Baghdatit në Siri. Në kuadër të ligjit amerikan çdo sulm jashtë shtetit kërkohet aprovim nga Kongresi, e Trumpi s’kishte. Në të kaluarën kishte, e këtu ndaj Soleimanit, që i takon një ushtrie të një shteti sovran, s’është marrë aprovimi e s’është arsyetuar që ka pas kërcënim direkt a konkret ndaj sigurisë a kombëtar të Amerikës”, ka deklaruar ai.

Sipas Perteshit, çdo sulm që Irani mund ta bëjë ndaj Amerikës mund të jetë vetëm në targete të vogla sepse s’ka fuqi për ta rrezikuar SHBA-në.