2 orë më parëPamjet e shpërthimit të një fabrike kimike në Spanjë ku mbetën një i vdekur dhe katër të lënduar
Periskopi(6 vite më parë)
(6 vite më parë)Të paktën katër persona thuhet se janë plagosur pas një shpërthimi në një fabrikë kimike në Spanjë sot. Ndërkohë, sipas Sky News, nga ky shpërthim, përveç të lënduarve, një person ka mbetur i vdekur. Sipas mediave të huaja, përcjell Telegrafi, zjarri shpërtheu menjëherë pas orës 6.30 pasdite në një fabrikë kimike në provincën Tarragona të […]
Të paktën katër persona thuhet se janë plagosur pas një shpërthimi në një fabrikë kimike në Spanjë sot.
Ndërkohë, sipas Sky News, nga ky shpërthim, përveç të lënduarve, një person ka mbetur i vdekur.
Sipas mediave të huaja, përcjell Telegrafi, zjarri shpërtheu menjëherë pas orës 6.30 pasdite në një fabrikë kimike në provincën Tarragona të Spanjës verilindore, me shumë mundësi si rezultat i një aksidenti kimik, tha agjencia e mbrojtjes civile e Katalonjës.
Ndërkohë media si El Mundo dhe La Vanguardia thanë që katër persona ishin lënduar, njëri prej tyre seriozisht.
Ndërsa tymi dhe pluhuri janë parë të mbulojnë qiellin e zonës, banorëve u është thënë të qëndrojnë brenda shtëpive të tyre dhe shërbimi i trenit në zonën afër është pezulluar.
Pas shpërthimit, rreth 20 automjete të urgjencës u nxituan në vendngjarje dhe brigada e zjarrfikësve tha se kishte shpëtuar tre persona të plagosur.
Madje, përveç atyre afër, thuhet se edhe dritaret e ndërtesave në zonat më larg janë tronditur nga shpërthimi.
