OSBE-ja paraqet në një raport jetën dhe gjendjen e komuniteteve RAE në Kosovë

Për secilën nga këto komuna është prezantuar një pasqyrë e shkurtë demografike, listë e vendbanimeve dhe të dhëna statistikore për infrastrukturën, punëismin, arsimin, kujdesin shëndetësor, etj.

Dominik Drasnar, këshilltar i lartë për komunitete në OSBE, ka thënë se shpreson që kjo përmbledhje të shërbejë si burim informimi dhe mobilizimi për mjete e resurse vendore e ndërkombëtare në ndihmë për këto komunitete.

“Kjo pasqyrë paraqet perspektivën lokale, andaj mund të shërbejë edhe si udhëzues për zhvillimin e programeve që kanë për cak aspekte të ndryshme. P.sh., nëse donatorët janë të interesuar për një komunë të caktuar, ata kanë informata të gatshme në dispozicion për atë komunë. Ose, nëse janë të interesuar për një fushë të caktuar tematike, si për shembull arsimi, shumë lehtë mund ta shohin se si është gjendja në komunën gjegjëse,” tha Drasnar.

Misioni i OSBE-së ka fokus të veçantë në sigurimin e përfaqësimit të pjesëtarëve të komuniteteve në proceset e vendimmarrjes, si dhe përqendrohet në zhvillimin e politikave efektive të përfshirjes dhe rritjen e aftësive të tyre të punësimit.

Këtë vit, Misioni do të fillojë të sponsorizojë skema gjithëpërfshirëse për punë praktike për të diplomuarit e përzgjedhur nga të tre komunitetet.