7 minuta më parëMustafa ia preu duke thënë vetëm edhe një takim, Abazi i thotë Periskopit se duhet “edhe një takim përafrues”
Periskopi(6 vite më parë)
(6 vite më parë)Mbrëmjen e së martës Lëvizja Vetëvendosje i ka dërguar ofertën e saj me shkrim Lidhjes Demokratike të Kosovës, në të cilën ka hedhur si opsion rritjen e numrit të ministrive nga 12 në 14, në mënyrë që partia e Isa Mustafës të marrë 6 ministri. Por, Lidhja Demokratike e Kosovës, nuk e ka parë si […]
Por, Lidhja Demokratike e Kosovës, nuk e ka parë si zgjidhje ofertën e partisë së Albin Kurtit, ndërsa si përgjigje i ka dërguar LVV-së një kundër-ofertë, shkruan Periskopi.
LDK-ja i ka propozuar LVV-së ndër të tjerash që posti i kryeparlamentarit t’i takojë kësaj partie, deri në zgjedhjen e presidentit, ndërsa më pas sërish posti i kryetarit të Kuvendit t’i kthehet LVV-së.
Kryetari i LDK-së Isa Mustafa, të mekurën paralajmëroi një takim të fundit me liderin e LVV-së Albin Kurtin, si vendimtar për arritjen ose jo të marrëveshjes për bashkëqeverisje.
Këto zhvillime duket se kanë larguar edhe më shumë partnerët e mundshëm të koalicionit, pasiqë me deklaratat publike, të dy palët janë shprehur se ofertat e njëra-tjetrës janë të papranueshme.
Tani, i bie që është radha e Lëvizjes Vetëvendosje që të ftojë takimin e radhës, meqë e fundit që e ka dorëzuar propozimin është LDK-ja.
I kontaktuar nga Periskopi, deputeti i LVV-së njëherësh i propozuari i Kurtit për zëvendëskryeministër të Kosovës Haki Abazi ka thënë se nuk e di se kur do të ketë takim mes LVV-së e LDK-së.
Por, Abazi nuk pajtohet me kreun e LDK-së Isa Mustafa që takimi i radhës të jetë edhe i fundit në mes dy krerëve të të dy partive.
Abazi mendon se do të ishte i nevojshëm një takim i radhës që do të përafronte qëndrimet për formimin e koalicionit.
“Nuk e di a ka me pasë takim, prej diskutimeve ka qenë e qartë që LVV-ja ka thirrë për takim, për mi përafru të dy pozicionet sepse edhe oferta e LVV-së edhe oferta e LDK-së janë prezantuar në takimin e fundit. Unë e shoh si të domosdoshme takimin e radhës për t’i parë këto dy oferta në tavolinë dhe për të përafru qëndrimet”, tha Abazi për Periskopin.
Kujtojmë se diskursi publik i të dy partive kohëve të fundit është ashpërsuar.
Mbrëmë nënkryetari i LVV-së Besnik Bislimi ka thënë se gjatë takimeve negociuese Agim Veliu i LDK-së ka thënë ‘Çohuni se nuk ka kurrgjë prej kësaj’.
Agim Veliu nga ana tjetër ka thënë se besnik Bisilmi ‘po rren’./Periskopi/B.Hoti/
