2 orë më parëMustafa i shkruan Kurtit: Ia çon ofertën e LDK-së
Periskopi(6 vite më parë)
(6 vite më parë)Kryetari i LDK-së Isa Mustafa, i ka dërguar me shkrim propozimin e kësaj partie, atij të Vetëvendosjes Albin Kurti, por pa dhënë detaje. Këtë e ka konfirmuar zëdhënësi i LDK-së, Besian Mustafa. “Sot, kryetari i LDK-së z.Mustafa, me kërkesë të kryetarit të LVV-së z. Kurti, i ka dërguar me shkrim propozimin e LDK-së të shpalosur […]
Kryetari i LDK-së Isa Mustafa, i ka dërguar me shkrim propozimin e kësaj partie, atij të Vetëvendosjes Albin Kurti, por pa dhënë detaje.
Këtë e ka konfirmuar zëdhënësi i LDK-së, Besian Mustafa.
“Sot, kryetari i LDK-së z.Mustafa, me kërkesë të kryetarit të LVV-së z. Kurti, i ka dërguar me shkrim propozimin e LDK-së të shpalosur verbalisht në takimin e 8 janarit 2020”, tha Mustafa.
Derisa, në njoftimin për media theksohet se sot s’pritet të ketë takim mes Kurtit e Mustafës.
Kujtojmë se dje Vetëvendosja publikoi ofertën e re për LDK-në, ku propozoi rritjen e qeverisë në 14 ministri.
Besnik Bislimi, nënkryetar i Lëvizjes Vetëvendosje, ka publikuar në Facebook, ofertën e fundit që kjo parti i ka bërë LDK-së për formimin e qeverisë. Ka konfirmuar edhe raportimet për rritjen e qeverisë nga 12 ministri në 14.
Kujtojmë, se edhe ditë më parë LDK-ja tha se do ta shqyrtojë propozimin e Vetëvendosjes, të cilin, e kishte cilësuar si të ngjashëm me propozimin e javës së kaluar.
