Miliarderi japonez kërkon nuse, dhurata e parë: Do ta çojë në Hënë

Manjati i modës, 44 vjeçari Yusaku Maezaëa, është caktuar të jetë pasagjeri i parë civil që fluturon rreth hënës në raketën Starship. E planifikuar për vitin 2023, misioni do të jetë udhëtimi i parë hënor nga njerëzit që nga viti 1972.

Në një apel në internet, Maezaëa thotë se dëshiron të ndajë përvojën me një grua “speciale”.

Sipërmarrësi, i cili së fundmi u nda nga e dashura, aktorja 27 vjeçare Ayame Goriki, u ka kërkuar grave që të aplikojnë për ta shoqëruar atë nëpërmjet një postimi në tëitter.

Në njoftim ekziston edhe një listë kushtesh si dhe një program për procesin e aplikimit të gjatë tre muaj.

Shkruar në një stil sikurse nëpër faqet e ndryshme online për takime, kushtet thonë se aplikantet duhet të jenë beqare, mbi moshën 20 vjeç, gjithmonë pozitive dhe të jenë të interesuar të shkojnë në hapësirë.

Afati i fundit për aplikime është 17 Janari dhe një vendim i fundit për partneren e tij do të merret në fund të Marsit.

Maezaëa është një ekscentrik që fitoi famën si një baterist në një grup punk hardcore tashmë i njohur si manjat mode ai u ka premtuar të ndajë 100 milion jen (925 mijë dollarë) midis 100 personave të zgjedhur rastësisht që ndanë një nga tëeet-et e tij.

Ai besohet se ka një pasuri personale rreth 3 miliardë dollarësh, shumë prej të cilave ai shpenzon për artin.

Ai u bë më i njohur gjerësisht jashtë vendit në fund të vitit të kaluar pasi u emërua si pasagjeri i parë privat që do të fluturoj rreth Hënës nga SpaceX, kompania në pronësi të një tjetër miliarderi të famshëm, Elon Musk.

Çmimi që Maezaëa pranoi të paguante për biletën e tij në hapësirë ​​nuk është bërë i ditur, por sipas Musk ishin “shumë para”. Maezaëa ka thënë se planifikon të marrë një grup artistësh me vete në fluturim. (BBC)