2 orë më parëMarrëveshja për linjën ajrore Prishtinë – Beograd, Grenell ‘tagg’ Trumpit: Fitore historike
Periskopi(6 vite më parë)
(6 vite më parë)Kompania ajrore gjermane “Lufthansa” ka njoftuar autoritetet kosovare dhe ato serbe se po planifikon që së shpejti të hap linjën ajrore Prishtinë – Beograd. Përfaqësues të kësaj kompanie i dorëzuan njoftimin të hënën Autoritetit të Aviacionit Civil të Kosovës dhe ministrisë serbe të Ekonomisë, në një ceremoni në ambasadën amerikane në Berlin, ku ishte i […]
Kompania ajrore gjermane “Lufthansa” ka njoftuar autoritetet kosovare dhe ato serbe se po planifikon që së shpejti të hap linjën ajrore Prishtinë – Beograd.
Përfaqësues të kësaj kompanie i dorëzuan njoftimin të hënën Autoritetit të Aviacionit Civil të Kosovës dhe ministrisë serbe të Ekonomisë, në një ceremoni në ambasadën amerikane në Berlin, ku ishte i pranishëm edhe ambasadori amerikan atje, Richard Grenell, që është edhe i dërguar i posaçëm i presidentit të SHBA-së, Donald Trump për bisedimet Kosovë – Serbi.
Emisari amerikan, Richard Grenell e ka cilësuar si një fitore historike nënshkrimin e letrës së synimeve në mes të kompanisë ajrore Lufthansa dhe Autoritetit të Aviacionit Civil të Kosovës për hapjen e linjës ajrore Prishtinë-Beograd.
“Presidenti Donald Trump edhe njëherë na çoi në një fitore historike. Kosova dhe Serbia sot nënshkruan një marrëveshje për të krijuar fluturimin e parë të drejtpërdrejtë midis Prishtinës dhe Beogradit në 21 vjet. Faleminderit @lufthansa, @NATO, @robertcobrien dhe drejtuesve të Kosovës dhe Serbisë”, shkruan ai në Tëitter, transmeton Klan Kosova.
