Lideri suprem i Iranit kërcënon Shqipërinë pasi i akuzon për komplot me Amerikën

Lideri suprem i Iranit, Ayatollah Ali Khamenei ka akuzuar Shqipërinë për komplot me Amerikën.

Në një deklaratë pas sulmit ndaj dy bazave amerikane në Irak, Khamenei u shpreh se disa shtete të vogla si Shqipëria, në Europë po komplotojnë me Amerikën dhe muxhahedinët kundër republikës islamike të Iranit.

“Është një vend shumë i vogël por shumë i keq evropian, ku elementë amerikanë bashkëpunojnë me tradhtarë iranianë dhe planifikojnë kundër Republikës Islamike. Dhe plani që kishin u pa qartë, me protestat që u mbajtën në Iran, pasi disa nga ata tradhtarë erdhën në Iran për të protestuar. Agjentë armiq nisën të zbatojnë planin për të sabotuar, vrarë dhe për të shkatërruar si qeverinë ashtu dhe kushtetutën tonë”, citohet të ketë thënë Khamenei, raporton TopChannel.

Irani nuk ka njohur Pavarësinë e Republikës së Kosovës për shkak se e sheh si “qenush” të ShBA-ve. Ndërkohë që Shqipëria ka pranuar muxhahedinë iranianë në bazë të një marrëveshjeje me ShBA-në në vitin 2016.

Kujtojmë se në Kosovë ndodhet baza më e madhe ushtarake amerikane në Ballkan.

https://www.youtube.com/watch?v=AB5Pp19z04U&feature=emb_title