5 orë më parëLatifi e bën horë Kokajn e VV-së pas gabimeve drejtshkrimore: I tregon pse s’mund të jetë shkencëtar
Periskopi(6 vite më parë)
(6 vite më parë)Periskopi dje përgatiti një artikull me gabimet drejtshkrimore të deputetit të zgjedhur të Vetëvendosjes, z.Jahja Koka, i cili i kishte bërë të paktën 137 gabime drejtshkrimore në një status në të cilin paralajmëronte trazira nëse nuk arrihej marrëveshja LDK-VV Z.Kokaj bëri aq gabime të tmerrshme sa shkaktoi një reagim të madh në mediat sociale, me […]
Z.Kokaj bëri aq gabime të tmerrshme sa shkaktoi një reagim të madh në mediat sociale, me shumë njerëz që thjesht nuk mund të besonin nivelin e dobët drejtshkrimor të shkencëtarit që në moshën 72 vjeçare vendosi të bëhej politikan.
Ai madje i shkonte kundër vijës së partisë me emrin Vetëvendosje, duke e konsideruar si “gjenial” presidentin Marti Ahtisaari i cili kishte përgatitur të ashtuquajturën “Pako e Ahtisaarit” nga e cila u shpall Pavarësia e Kosovës, shkruan Periskopi.
Në të njëjtin shkrim ai fliste me gjuhë ‘elitiste’ ndaj shoqërisë kosovare duke i konsideruar ‘masë’ dhe duke paralajmëruar ‘acarim të tyre’ të shtyrë edhe nga kthetrat serbe, pa iu referuar dikujt konkretisht.
Por, Kokaj u arsyetua që nuk kishte qenë i kujdesshëm dhe e kishte redaktuar shkrimin e tij në Facebook.
E ndaj këtij reagimi ka reaguar edhe profesori i filozofisë, Blerim Latifi, i cili e cenon integritetin shkencor të deputetit të zgjedhur nga Vetëvendosje.
“Shkenca është logjikë, e logjika shprehet me anë të gjuhës. Gjuha dhe mendimi nuk janë botë të ndara nga njëra-tjetra. Ne mendojmë në gjuhë dhe përmes gjuhës.” – shkruan Latifi, për të vazhduar më pas “Nëse shprehja gjuhësore është konfuze, edhe mendimi është i tillë. Nëse shprehja gjuhësore është e palogjikshme, edhe mendimi është i palogjikshëm. Rrjedhimisht joshkencor. Shkenca e vërtetë fillon me kujdesin e treguar në përdorimin e gjuhës dhe koncepteve.”
Më poshtë e keni statusin e plotë të z.Latifi:
Shkenca është logjikë, e logjika shprehet me anë të gjuhës. Gjuha dhe mendimi nuk janë botë të ndara nga njëra – tjetra. Ne mendojmë në gjuhë dhe përmes gjuhës. Nëse shprehja gjuhësore është konfuze, edhe mendimi është i tillë. Nëse shprehja gjuhësore është e palogjikshme, edhe mendimi është i palogjikshëm. Rrjedhimisht edhe joshkencor. Shkenca e vërtetë fillon me kujdesin e treguar në përdorimin e gjuhës dhe koncepteve. Ajo thënia se “e di, por s’po mundem ta shpreh siç duhet”, është e pasaktë. Nëse nuk di ta shprehësh siç duhet një gjë, do të thotë se dijen dhe mendimin rreth saj e ke të paqartë e konfuz.
