3 orë më parëKush po mundohet të krijojë opinion anti-Vetëvendosje sipas Mefail Bajqinovcit
Periskopi(6 vite më parë)
(6 vite më parë)Deputeti i Lëvizjes Vetëvendosje, Mefail Bajqinovci, ka numëruar disa faktorë, që sipas tij kanë për qëllim krijimin një opinioni anti-Vetëvendosje. Përmes një postimi në Facebook, se ‘të gjithë këta e din që Vetëvendosje dhe Albin Kurti nuk janë hakmarrës por gjithashtu e dinë se Albini i do njerëzit e guximshëm, ditur, atëdhetarët e vërtetë dhe […]
Deputeti i Lëvizjes Vetëvendosje, Mefail Bajqinovci, ka numëruar disa faktorë, që sipas tij kanë për qëllim krijimin një opinioni anti-Vetëvendosje.
Përmes një postimi në Facebook, se ‘të gjithë këta e din që Vetëvendosje dhe Albin Kurti nuk janë hakmarrës por gjithashtu e dinë se Albini i do njerëzit e guximshëm, ditur, atëdhetarët e vërtetë dhe idealistët’, shkruan periskopi.
Ky është postimi i plotë:
Kush po mundohet të krijojë opinion anti VV?
Është interesante t’i shohësh në një pamje të përgjithshme, profilet, figurat “personalitetet”, partitë politike dhe profilet e zyrtarëve të tyre, të angazhuar, të koordinuar e të bashkrënduar në krijimin e një opinioni publik anti VV.
Nëse do t’i kategorizonim këta talentë, fare lehtë është t’u gjesh kryegjënë që ata i shquan:
- Njerëz të gjendur në anën e gabuar të historisë së përpjekjeve të popullit tonë për liri;
- Njerëz të gjendur në tavolinat ku koordinoheshin projekte e politika stabilizuese e mirëmbajtëse të pushtimit serb në Kosovë;
- Avokatë publik të kastave e grupeve të korrupsionit – shpërndarës të zellshëm të lajmeve “heroike” për hajdutët e këtij vendi e në anën tjetër, shpërndarës edhe më të zellshëm të lajmeve komprimituese për njerëz atdhetarë, idealistë e të ditur;
- Profiterë të pamerituar të pushtetit, të cilëve u servoheshin trosha të korrupsionit;
- Të padijshëm e të përdorshëm nga pushtete të korruptuara në pasluftën e Kosovës;
- Zyrtarë partish politike, pa dallim, që shquhen për zhvillim e mirëmbajtje të korrupsionit dhe që paranë publike e kanë përdorur për të blerë mbështetjen politike për ata.
Janë të friksuar nga Vetëvendosja. Nga Albini. E dinë që LVV Albini nuk janë hakmarrës por gjithashtu e dinë se Albini i do njerëzit e guximshëm, ditur, atëdhetarët e vërtetë dhe idealistët. Albini është aleati i shoqërisë progresive të moralshme, punëtore e të ndershme. E dinë që shoqëria progresive dhe atëdhedashëse do të rigjej hapsirat e humbura për të punuar në ndërtimin e shtetit të së drejtës me zhvillim ekonomik e social. Sistemi i vlerave perëndimore i instaluar në shtet e në politikbërje mund të mos jetë aleati i të frikësuarve që po kokorisin ditë e natë kundër votës së shpresës më 6 tetor. Qetësohuni, kjo është rrjedhë e natyrshme e gjërave sepse ky është mision i pa ndalshëm thellësisht kombëtar, emancipues e progresiv i Albinit. Është agu i një kohe tjetër.
