3 orë më parëKusari e VV-së në fill të statusit i gëzohet linjës Prishtinë-Beograd, në fund të statusit ndërron mendje
Periskopi(6 vite më parë)
(6 vite më parë)Deputetja e zgjedhur me mbi 20 mijë vota nga zgjedhjet e 6 tetorit nga radhët e Vetëvendosjes, Mimoza Kusari, ka bërë një postim në dukje të natyrës ‘kontemplative’ në Facebook mbi lajmin se tashmë është hapur linja ajrore Prishtinë-Beograd. Znj.Kusari e cila vazhdon të jetë edhe kryetare e Alternativës, ka deklaruar se ky është një […]
Znj.Kusari e cila vazhdon të jetë edhe kryetare e Alternativës, ka deklaruar se ky është një “hap i rëndësishëm për procesin e normalizimit të raporteve Kosovë-Serbi”.
“Përveç atyre që kanë interes të fluturojnë në Beograd, më e rëndësishme është hapja e hapësirës ajrore të Serbisë për fluturimet tjera për në Kosovë.” – shkruan ish kryetarja e Komunës së Gjakovës.
Sipas kësaj që thotë Kusari, një gjë e tillë do t’i lironte biletat për kosovarët nga të gjitha destinacionet që mbërrijnë në Aeroportin Ndërkombëtar të Prishtinës “Adem Jashari”, përcjell Periskopi.
Udhimet nga Aeroporti Ndërkombëtar i Prishtinës janë më të gjata e më të shtrenjta shkaku i devijimit për të mos shkelur hapësirën ajrore mbi Serbi, e cila vazhdon të jetë e mbyllur për avionit që destinacion e kanë vendin tonë.
Sidoqoftë në fund, znj.Kusari thotë se nëse “nuk është arrite edhe hapja e hapësirës ajrore të Serbisë për Kosovën për të gjitha fluturimet për në Prishtinë, korridori i fluturimit vetëm për një aviokompani me destinim Prishtinë-Beograd ka efekt të kufizuar”.
I kujtojmë znj.Kusari që Serbia ende nuk ka njohur Pavarësinë e Kosovës.
Më poshtë mund ta lexoni të plotë shkrimin e saj kontemplativ në Facebook:
Hap i rëndësishëm në procesin e normalizimit të raporteve Kosovë – Serbi nisja e fluturimit Prishtinë – Beograd dhe anasjelltas.
Përveç atyre që kanë interes të fluturojnë në Beograd, më e rëndësishme është hapja e hapësirës ajrore të Serbisë për fluturimet tjera për në Kosovë.
Nëse marrëveshja përfshin edhe Aeroplanët të cilët destinim e kanë Prishtinën nga kudo tjetër, atëherë ky sukses do të ketë ndikim përmbajtësor në jetën e gjithë udhëtarëve për Prishtinë dhe nga Prishtina.
Udhëtime tona nga aeroporti i Prishtinës janë më të gjata dhe më shtrenjta si rrjedhojë e devijimit që janë të detyruar të bëjnë të gjithë aeroplanët për të mos fluturuar mbi Serbi, pasi hapësira e tyre ajrore është e mbyllur për avionët që destinim e kanë Kosovën. Rrjedhimisht ne paguajmë biletat më shtrenjtë dhe udhëtojmë më gjatë që nga përfundimi i luftës në Kosovë.
Nëse nuk është arritë edhe hapja e hapësires ajrore të Serbisë për Kosovën, për të gjitha fluturimet për në Prishtinë, korridori i fluturimit vetëm për një aviokompani me destinim Prishtinë – Beograd ka efekt të kufizuar.
