4 orë më parëKurti-Thaçit: Jemi në fazën e finalizimit të marrëveshjes me LDK-në
Periskopi(6 vite më parë)
(6 vite më parë)Lideri i Lëvizjes Vetëvendosje Albin Kurti, ka deklaruar se është afër finalizimit të marrëveshjes për bashkëqeverisje me Lidhjen Demokratike të Kosovës. Në letrën e Kurtit në adresë të presidentit të vendit Hashim Thaçi, i është kërkuar këtij të fundit që të mos ushtrojë presion mbi LVV-në për çështjen e mandarit për formimin e Qeverisë. Në […]
Lideri i Lëvizjes Vetëvendosje Albin Kurti, ka deklaruar se është afër finalizimit të marrëveshjes për bashkëqeverisje me Lidhjen Demokratike të Kosovës.
Në letrën e Kurtit në adresë të presidentit të vendit Hashim Thaçi, i është kërkuar këtij të fundit që të mos ushtrojë presion mbi LVV-në për çështjen e mandarit për formimin e Qeverisë.
Në letrën e gjatë të kryetarit të LVV-së, ndër tjerash thuhet se kjo parti është afër finalizimit me LDK-në.
“ Në këtë rast, shfrytëzoj këtë letër t’ju informoj që ndodhemi në fazën e finalizimit të marrëveshjes me Lidhjen Demokratike të Kosovës”, thuhet në fund të letrës së Kurtit drejtuar presidentit të vendit, Hashim Thaçi.
Kujtojmë se javën e kaluar u zhvilluan takime të stërzgjatura në mes LDK-së dhe LVV-së, por pa rezultate konkrete. Ndonëse këto bisedime kanë nisur qe tre muaj, LVV-ja dhe LDK-ja vazhdojnë të kenë dallime të thella lidhur me postin e presidentit dhe tash edhe të kryeparlamentarit./Periskopi/
