Krasniqi: Albin Kurti ta kuptojë se institucionet nuk bëhen me video-lojëra

Memli Krasniqi nga PDK, ka thënë se kjo parti opozitare ishte pjesë e takimit të thirrur nga kryeparlamentari Glauk Konjufca. Ai ka thënë se pozita nuk ishte në Kuvend pasiqë nuk dihet ende ‘përbërja e pozitës në Kuvend”.

Krasniqi ka kritikuar Albin Kurtin për mosformimin e institucioneve duke thënë se politika nuk bëhet me ‘video-lojëra’.

Jemi në përfundim të mbledhjes së parë të Kuvendit për këtë legjislaturë. Diskutuam dy tri pika, fatkeqësisht kanë kalu një muaj prej votimit të kësaj kryesie dhe kjo e thirrur jo për të trajtu ligje, por për shkak se institucionet ndërkombëtare na e kanë imponu për shkak të disa afateve, përfaqësues të opozitës jemi ne – PDK, e për përfaqësues të pozitës ende nuk e dimë sepse nuk ka suhmicë parlamentare formalisht.Vendimet u morën të përkohshme për të mos e pamundësu pjesëmarrjen e Kosovës në Këshill të Evropës. Kanë kaluar rreth 106 ditë prej kur ka përfundu zgjedhjet, nuk kemi qeveri e as Kuvend funksional. Kërkesa jonë në vazhdimësi prej 6 tetorit ka qenë që ata që kanë kërku dhe kanë marrë mandate sa ma shpejt t’i përmbushin obligimet e tyre. Albin Kurti si mandatar duhet ta dijë se jeta institucionale nuk është video-lojë dhe video-lojërat nuk i kryejnë punët për qytetarët e Kosovës. Duhet t’ia kujtojmë se përgjegjësi e mandatarit nuk është vec me kriju një letër por t’I formojë institucionet, barra e përgjegjësisë për krijimin e institucioneve i bjen Albin Kurtit dhe presim që përgjegjësitë që kanë t’i marrin sa ma shpejt që është e mundur”, ka thënë Krasniqi./Periskopi/

https://www.facebook.com/periskopi/videos/1316271508557612/