Kosova 172 ditë pa qeveri: Belgjika dhe Somalia mbajnë rekordin

Para disa vitesh, Irlanda e Veriut e gjeti veten pa qeveri, pasi Martin McGuinness dha dorëheqje për shkak të një përplasjeje mbi skemën e energjisë.

Partitë nacionaliste dhe ato unioniste nuk mund të pajtoheshin që të qeverisnin vendin, përcjell Periskopi.

Buxheti shtetëror duhej të imponohej nga Londra dhe vendimet e ditëpërditshme kryhen nga shërbyesit civilë.

Edhe pse një situatë e tillë mund të duket e jashtëzakonshme, në fakt nuk është. Mungesa e lidershipit politik nuk ka shkaktuar një kolaps në shërbime publike dhe njerëzit mund të bëjnë punët e tyre fare normalisht.

Edhe Gjermania nuk kishte pasur qeveri për një kohë të gjatë pas zgjedhjeve të fundit ku partia e kancelares Merkel megjithëse doli e para humbi shumë pikë.

Ndërkohë, Belgjika mban rekordin për periudhën më të gjatë të vendit pa qeveri në vitet 2010-11 ke 589 ditë vakuum deri tash. Krahasuar me Kosovën, shkruan Periskopi, që deri tash ka arritur në 172 ditë pa qeveri efektive (që nga 19 korriku kur dha dorëheqje Haradinaj).

Spanja i kaloi 10 muajt e parë të vitit 2016 në një situatë të ngjashme, me socialistët që thjesht votuan sa për sy e faqe për t’i lejuar konservatorët që të formonin një qeveri të pakicës. Por, tash edhe vetë socialistët u përballën me të njëjtën situatë pasi i fituan zgjedhjet.

Nuk është e zorshme të gjesh shembuj edhe jashtë Evropës.

Somalia nuk kishte qeveri për 15 vjet.

Megjithatë, kjo situatë nuk është aq dramatike si format e tjera të dështimeve demokratike.

Në Shtetet e Bashkuara, ndaljet e qeverisë ndodhin periodikisht, dhe çojnë në mbylljen e muzeve, mosdhënien e pasaportave, e të tjera.

Në raste tjera të krizave kombëtare, vendet mund të vendosin madje edhe “qeveri teknokratike”, siç kishte bërë Italia me Mario Montin mes viteve 2011 dhe 2013. /Periskopi