5 orë më parë“Keni të drejtë ta shkarkoni Konjufcën”: Porosia e fshehtë e Kurtit për Mustafën
Periskopi(6 vite më parë)
(6 vite më parë)Tre muaj e trembëdhjetë ditë kanë kaluar që prej përfundimit të zgjedhjeve të parakohshme të 6 tetorit. Qytetarët dolën nëpër vend-votime, votuan, por më pas këto vota u keqpërdorën nga liderët politikë të tyre. Askush nuk e votoi z.Albin Kurti që të zvarriste pafundësisht formimin e Qeverisë së Kosovës. Por, askush nuk e votoi as […]
Askush nuk e votoi z.Albin Kurti që të zvarriste pafundësisht formimin e Qeverisë së Kosovës. Por, askush nuk e votoi as LDK-në që ta bënte një gjë të tillë.
Së fundi, LDK i bëri ofertë Vetëvendosjes që ta merrte pozitën e kryetarit të Kuvendit, e cila aktualisht i takon z.Glauk Konjufca, e të cilën do ta kthente mbrapsht sapo të merrte pozitën e presidentit të vendit në prill të vitit 2021, shkruan Periskopi.
Por, një gjë e tillë u refuzua nga z.Kurti i cili e konsideroi ofertën me terme të çuditshme si “monarkiste” e “jokushtetuese”. Në fakt, partitë politike që marrin besimin e qytetarëve të Kosovës e kanë të lejueshme që të zgjedhin krerët e institucioneve të vendit dhe një gjë e tillë nuk përbën kurrfarë shkeljeje.
Megjithatë, Kurti në letrën e tij bëri një propozim mjaft bizar. Ai i propozonte z.Mustafa që të ndërmerrte iniciativën për ta shkarkuar Kryetarin e ri të Kuvendit, z.Konjufca, duke i thënë se përveç që kishte të drejtë, kishte po ashtu edhe gjasa për ta bërë një gjë të tillë.
“Ju keni të drejtë të jeni penduar dhe të kërkoni nga Grupi i LDK-së që po ashtu të pendohet dhe ta ndërmarrë iniciativën ta shkarkojë Kryetarin e ri legjitim e demokratik të Kuvendit të Republikës. z. Glauk Konjufca. Kishe dhjetëra vota kundër z. Konjufca me 26 dhjetor 2019. Pra, përveçse keni të drejtë, ku keni edhe gjasa ta shkarkoni z. Konjufca. Por, unë nuk mund t’ju ndihmojë në këtë rrugë.” – shkruante Kurti.
Por, ku do ta çonte një lëvizje e tillë politike z.Mustafa?
Për t’i marrë votat për shkarkimin e Konjufcës, LDK-ja e Mustafës do të duhej të bëhej bashkë me partitë e ish koalicionit PAN për t’i lëshuar në këtë mënyrë rrugën një tjetër vargu sharjesh nga Vetëvendosje.
Kujtojmë se Vetëvendosje e përzgjodhi Konjufcën si kryetar të Kuvendit me votat e LDK-së, e cila ishte zotuar se do ta votonte madje edhe Qeverinë Kurti nëse nuk arrihej marrëveshja sipas rezultateve të 6 tetorit, e ku kjo parti i kishte vetëm 14 mijë vota më pak.
Ndërkohë, Glauk Konjufca ishte njeriu i dytë më i votuar në Lëvizjen Vetëvendosje me mbi 70 mijë vota dhe kjo parti duket se frikësohet që shkarkimi i tij nga pozita e të parit të Kuvendit do të mund të ndezte një tjetër luftë brenda-partiake politike.
