4 orë më parëKapen prerësit ilegalë të pyjeve
Periskopi(6 vite më parë)
(6 vite më parë)Tetë persona janë ndaluar për prerje ilegale të pyejeve vetëm në rajonin e Ferizajt. Policia e rajonit të Ferizajt në kuadër të planit operativ “Mbrojtja e pyjeve 2020” , ka ndaluar në dy ditët e fundit tetë persona lidhur me prerjen e pyjeve dhe transportimit ilegal të drunjve. Me këtë rast janë konfiskuar edhe tetë […]
Tetë persona janë ndaluar për prerje ilegale të pyejeve vetëm në rajonin e Ferizajt.
Policia e rajonit të Ferizajt në kuadër të planit operativ “Mbrojtja e pyjeve 2020” , ka ndaluar në dy ditët e fundit tetë persona lidhur me prerjen e pyjeve dhe transportimit ilegal të drunjve.
Me këtë rast janë konfiskuar edhe tetë mjete të ndryshme transporti si dhe një sasi e drunjtëve, duke u transportuar në mënyrë ilegale, pa fletë përcjellje dhe të pa vulosura.
Lidhur me rastin janë informuar inspektorët e Ministrisë së Bujqësisë – Agjencioni Pyjor i Kosovës të cilët kanë shqiptuar 8 fletëparaqitje për transportim ilegal të drunjve, si dhe kanë bërë konfiskimin e masës drunore.
Gjatë kontrollimit të dokumentacionit, ka rezultuar se të gjitha mjeteve transportuese iu kishte skaduar afati i regjistrimit dhe ndaj ngasësve janë shqiptuar tetë fletëparaqitje për kundërvajtje.
