Jo myslimanëve: Presidenti Trump shton shtatë shtete tjera, qytetarëve të të cilave ua ndalon hyrjen në ShBA

Në mesin e këtyre shteteve është edhe Nigeria, vendi afrikan me popullsinë më të madhe, bashkë me të tjera vende nga Afrika dhe Azia, sipas zyrtarëve të administratës që e kanë parë listën.

Restriksionet e reja do t’i aplikohen edhe emigrantëve dhe udhëtarëve nga Bellorusia, Eritrea, Kirgistani, Myanmari, Nigeria, Sudani dhe Tanzania. Vendeve në fjalë mund të mos iu ndalohet plotësisht udhëtimi për në ShBA por do të mund të kenë restriksione në formë të disa lloje të vizave, të tilla si ato biznesore apo vizat turistike, kanë thënë zyrtarët e administratës, transmeton Periskopi nga Wall Street Journal.

Disa shtete mund të ndalohen edhe të marrin pjesë në programin e llotarisë, në të cilin qytetarëve nga këto vende që aplikojnë më parë iu jepej pasaporta amerikane [green card] nëse arrinin të fitonin.

Presidenti Trump edhe më herët kishte bërë thirrje që këtij programi t’i jepej fundi, duke thënë që i lejonte njerëzit e padëshirueshëm që të futeshin në ShBA.

Zyrtarët kanë thënë se lista nuk është finale, dhe të martën Shtëpia e Bardhë po debatonte se a duhej të përfshinte një apo dy shtete të tjera.

Një ndalesë e tillë për vendet myslimane ishte përshkruar si “ndalesa myslimane” dhe që e konsideronte politikën si “islamofobe”. Sidoqoftë, kjo ndalesë ishte tërhequr më pas nga gjykata federale.

Një tjetër përpjekje ishte bërë edhe në marsin e 2017-s, por ishte tërhequr pasi sërish gjykata federale konsideronte se përbënte diskriminim kundër myslimanëve.

Sipas këtyre restriksioneve, ndalohej udhëtimi i individëve nga Irani, Libia, Somalia, Siria, Jemeni dhe Korea e Veriut, por edhe për zyrtarët politikë nga Venezuela. Shkurtimisht administrata e kishte futur edhe Chadin, por më pas ishte hequr në prillin e 2018-s. /Periskopi