3 orë më parëIsh-deputeti i AAK-së: Albini, mandatari që mrizon nën hijen e Kushtetutës
Periskopi(6 vite më parë)
(6 vite më parë)Lideri i Lëvizjes Vetëvendosje Albin Kurti, po vazhdon të përballet me kritika të shumta, pas refuzimit për t’ia dërguar presidentin të vendit emrin për mandararin për kryeministër. I radhës është reagimi i ish deputetit të AAK-së Muharrem Nitaj i cili përmes një postimi në Facebook e ka quajtur Albin Kurtin ‘mandatar që mrizon nën hijen […]
Lideri i Lëvizjes Vetëvendosje Albin Kurti, po vazhdon të përballet me kritika të shumta, pas refuzimit për t’ia dërguar presidentin të vendit emrin për mandararin për kryeministër.
I radhës është reagimi i ish deputetit të AAK-së Muharrem Nitaj i cili përmes një postimi në Facebook e ka quajtur Albin Kurtin ‘mandatar që mrizon nën hijen e Kushtetutës’, shkruan periskopi.
Postimi i Nitajt:
Mandatari që mrizon nën hijen e Kushtetutës
Kushtetuta e Kosovës nuk ka paraparë situata se një ditë një njeri mund edhe të mos shkojë ta marrë mandatin për krijimin e Qeverisë!
Ata që e kanë hartuar (ekspertët e huaj) nuk e kanë llogaritur se politikanët e këtij vendi janë marifetxhi dhe nuk e kuptojnë se disa gjëra, edhe pse të pashkruara, janë të përcaktuara sipas procedurave elektorale demokratike dhe prandaj janë të nënkuptueshme! Kjo i bjen sikur të mos e njohësh ditën-ditë e natën-natë, sepse kjo nuk qenka e specifikuar në Kushtetutë!
Ekspertët e brendshëm, shumica të përlloçur politikisht, tash na shesin mend dhe asnjëri prej tyre nuk thot se marrja e mandatit menjëherë e pa vonesa është e nënkuptueshme dhe s’ka pse të sanksionohet me Kushtetutë sepse është një çështje puro procedurale, por nxjerrin vickla për hesape politike!
Marrja e mandatit ēshtë procedurë dhe Presidenti mund të tregohet tolerant për 3-4 ditë e jo në pakufi, por me gjaë edhe ai po tutet nga “Kushtetuta Gogol” e cila edhe me kontributin e tij, është shndërruar në instrument për rrëzimin e njerëzve nga pushteti!
Kushtetutat në asnjë vend nuk shkruhen për“kabullxhi” por për njerëz të përgjegjshëm që nuk mrizojnë nën hijen e Kushtetutës!
MN
