2 orë më parëIrani arreston personin që e publikoi videon e rrëzimit të aeroplanit ukrainas
Periskopi(6 vite më parë)
(6 vite më parë)Autoritetet iraniane kanë njoftuar se e kanë arrestuar personin që e kishte incizuar rrëzimin e aeroplanit ukrainas pas goditjes nga një raketë. Besohet se personi i arrestuar do të akuzohet për rrezikim të sigurisë kombëtare. Aeroplani i kompanisë “Ukraine Interantional Airlines” ishte rrëzuar disa minuta pasi ishte ngritur në qiell nga aeroporti i Tehranit të […]
Aeroplani i kompanisë “Ukraine Interantional Airlines” ishte rrëzuar disa minuta pasi ishte ngritur në qiell nga aeroporti i Tehranit të mërkurën e javës së kaluar. Të gjithë 176 personat që ndodheshin në të e humbën jetën.
Irani ka thënë se aeroplani është rrëzuar aksidentalisht dhe njoftoi për arrestimin e disa personave në lidhje me këtë rast.
Presidenti i Iranit, Hassan Rouhani, tha se hetimet për këtë aksident do të zhvillohen nga një gjykatë speciale. “Ky nuk do të jetë një rast i zakonshëm. E tërë bota do ta përcjellë punën e kësaj gjykate”, tha ai gjatë një fjalimi.
Irani fillimisht kishte mohuar se aeroplani është goditur nga raketa, por më vonë pranoi se aeroplani u rrëzua përmes sistemit të mbrojtjes ajrore.
Ndryshe, shumica e viktimave ishin iranianë dhe kanadezë. Kryeministri i Kanadasë, Justin Trudeau, ka premtuar drejtësi për këtë rast, shkruan “BBC”.
