2 orë më parëHong Kong, një e treta e qytetarëve me simptoma të çrregullimit të stresit post-traumatik
Periskopi(6 vite më parë)
(6 vite më parë)Pothuajse tek një në tre të rritur që jetojnë në rajonin e posaçëm administrativ të Kinës, Hong Kong, janë vërejtur simptoma të çrregullimit të stresit post-traumatik (PTSD), transmeton AA. Sipas lajmit të BBC, hulumtues nga Universiteti i Hong Kongut kanë vlerësuar rezultatet e anketimit lidhur me shëndetin mendor të kryer mes 2009-2019 ndaj mbi 18 […]
Sipas lajmit të BBC, hulumtues nga Universiteti i Hong Kongut kanë vlerësuar rezultatet e anketimit lidhur me shëndetin mendor të kryer mes 2009-2019 ndaj mbi 18 mijë të rriturve që jetojnë në Hong Kong.
Në studim bëhet e ditur se në Hong Kongun i cili ka qenë pjesë e protestave antiqeveritare që nga qershori 2019, pothuajse një e treta e të rriturve kanë simptoma të PTSD dhe se kjo normë është 6 herë më e lartë se në vitin 2015.
Gjithashtu është zbuluar se niveli i depresionit tek të rriturit në Hong Kong është afër atyre që jetojnë në zonat e konfliktit.
Hulumtuesit kanë vënë në dukje rëndësinë e marrjes së masave të reja për shëndetin mendor në Hong Kong.
Gjetjet e hulumtimit janë publikuar në revistën “The Lancet”.
Gjatë protestave pro-demokratike në Hong Kong që filluan nga qershori 2019 kundër projekt-ligjit për ekstradimet në Kinë, ka patur përshkallëzime të përleshjeve dhe incidenteve të dhunshme mes protestuesve dhe policisë.
Pavarësisht se më 23 tetor projekt-ligji u tërhoq zyrtarisht, protestuesit vendosën të vazhdojnë protestat e tyre me kërkesat për “reforma demokratike”.
Në protestat antiqeveritare të zhvilluara në nëntor në Hong Kong ndodhën konfrontime të ashpra mes policisë dhe protestuesve. Madje, rajoni edhe në Vitin e Ri hyri me protesta.
