2 orë më parëE pabesueshme: Albin Kurti jep intervistë në televizionin e Baton Haxhiut
Periskopi(6 vite më parë)
(6 vite më parë)Një ngjarje e pazakontë dhe e pabesueshme ka ndodhur para pak çastesh: kryetari i Vetëvendosjes Albin Kurti ka pranuar të flasë për Klan Kosovën. Kurti nuk pati ndonjë lajm për koalicionin e mundshem me LDK-në por lajm është vetë deklarata e tij për Klanin, drejtor i të cilit është gazetari i mirënjohur shqiptar, Baton Haxhiu. […]
Kurti nuk pati ndonjë lajm për koalicionin e mundshem me LDK-në por lajm është vetë deklarata e tij për Klanin, drejtor i të cilit është gazetari i mirënjohur shqiptar, Baton Haxhiu.
Vetëvendosje dhe kryetari i saj, Albin Kurti personalisht, përgjatë viteve të fundit, kanë ushtruar një fushatë të paparë linçuese ndaj z. Haxhiu. Vetëvendosje këtë e kishte bërë edhe përmes një komunikate në diten kur ishte zgjedhur Gent Cakaj ministër i jashtëm në detyrë i Republikës se Shqipërise kurse Albin Kurti, krejt vonë, në një televizion të Shqipërisë kishte folur me një fjalor të ashpër ndaj z. Haxhiu, shkruan Periskopi.
Edhe para pak ditësh, eksponentë të Vetëvendosjes rifilluan linçimin ndaj zotit Haxhiu, pasi ky i fundit foli për ‘dy takime mes Albin Kurtit dhe Hashim Thaçit’. Për këtë, Shoqata e Gazetarëve ka heshtur [siç bën në shumë raste]. Sidoqoftë, gazetarët e mediumit tonë inkurajojnë të gjithë politikanët, të bëjnë siç bëri zoti Kurti sonte, të mos jenë përjashtues e aq më pak linçues ndaj mediumeve. Liria e mediave, është ndër më të mirat e demokracisë, apo jo?
