4 orë më parëDaut Haradinaj: Nuk ka agjenda të fshehta në parti, ka reforma
Periskopi(6 vite më parë)
(6 vite më parë)Deputeti i Aleancës për Ardhmërinë e Kosovës, Daut Haradinaj, ka reaguar ndaj lajmit për dorëheqjen e Ramush Haradinajt nga posti i kryetarit të partisë, pasi tha se reformat në parti nuk do të fillojnë me largimin e tij, por kanë filluar që pas zgedhjeve. Haradinaj ka shkruar në Facebook se nuk ka agjenda të fshehta […]
Haradinaj ka shkruar në Facebook se nuk ka agjenda të fshehta e as konspiracione, por reformat në parti që sipas tij kanë filluar menjëherë pas zgjedhjeve, janë në proces normal për të përfunduar.
Ai ka thënë se askush nuk mund të sjellë përçarje në parti.
“Disa shkrime në portale kanë informuar gabimisht për zgjedhjet dhe reformat statutare në AAK. Reformat kanë filluar menjëherë pas zgjedhjeve të përgjithshme dhe janë proces normal që do të përfundojë brenda afeteve të parapara.
Nuk ka agjenda të fshehta e as konspiracione. Procesi është i hapur, transparent e demokratik. Është e çuditshme si bëhet lajm një proces disa muaj më pas.
Nëse dikush mendon që përmes këtyre lajmeve të fus përçarje, krijojë diversion nga dështimet e veta, e ka shumë gabim” shkruan Daut Haradinaj.
