Bota në zjarr: Lajmet që u mbuluan nga sulmi që i bëri Irani Amerikës

Putini viziton Turqinë për të biseduar për Libinë, Sirinë dhe gazin

Presidenti turk Rexhep Taip Erdoan pritet që të pres homologun e tij rus Vladimir Putin të mërkurën për të inauguruar naftësjellësin e ri, me tensionet në Libi dhe Risi po ashtu si pjesë të agjendës, shkruan AlJazeera.

Putini fillimisht bëri një vizitë befasuese në Damask me homologun sirian Bashar al-Assad.

Snajperët do të vrasin mbi 10 mijë deve në Australi për arsyen se po pinë shumë ujë

Periskopi përktheu dje një artikull që tregonte se nga helikopterët do të vriteshin 10 mijë deve të cilat shiheshin si përgjegjëse për shterjen e mëtejshme të resurseve ujore në Australinë e Jugut.

Vdekjet nga fruthi në Republikën Demokratike të Kongos arrijnë në 6 mijë

Organizata Botërore e Shëndetësisë ka njoftuar që fruthi është bërë epidemik në Kongo dhe e ka çuar numrin e viktimave në 6 mijë.

Shtatë të vrarë, 36 të plagosur, pasi autobusi provoi ta tejkalonte trenin

Një autobus që po mbante punëtorë krahu ishte goditur nga një tren në veriperëndim të Meksikës duke i vrarë 7 pasagjerë dhe duke i lënduar 36 të tjerë.

Zyra e prokurorit tha se autobusi me sa dukej kishte provuar ta tejkalonte trenin.

Ekzekutivi i Facebook-ut: Ne e zgjodhëm Donald Trumpin president

Një ekzekutiv i lartë i Facebookut tha të martën se kompania më e madhe e mediave sociale në botë pa qëllim kishte ndihmuar Donald Trumpin që të bëhej president i Shteteve të Bashkuara të Amerikës.

Takimi Kurti-Mustafa në ora 14:00

Ndërkohë, në mënyrë ironike po përmendim edhe takimin që pritet të zhvillohet sot prej orës 14:00 mes liderit të Vetëvendosjes dhe liderit të LDK-së në Kuvendin e Kosovës./Periskopi