3 orë më parëBoshnjakja Alma Zadiq ministre e re e drejtësisë në qeverinë e Austrisë
Periskopi(6 vite më parë)
(6 vite më parë)Alma Zadiq është ministre e re e drejtësisë në Qeverinë e Austrisë. Zadiq, e cila është me prejardhje nga Tuzlla e Bosnjës dhe Hercegovinës, sot ka dhënë betimin për këtë pozitë. Gjatë luftës në Bosnje dhe Hercegovinë ajo ishte dëbuar së bashku me familje nga forcat kriminale serbe dhe ishte vendosur në Austri. Zadiq e […]
Alma Zadiq është ministre e re e drejtësisë në Qeverinë e Austrisë. Zadiq, e cila është me prejardhje nga Tuzlla e Bosnjës dhe Hercegovinës, sot ka dhënë betimin për këtë pozitë.
Gjatë luftës në Bosnje dhe Hercegovinë ajo ishte dëbuar së bashku me familje nga forcat kriminale serbe dhe ishte vendosur në Austri. Zadiq e kishte kryer shkollën fillore, gjimnazin dhe studimet e drejtësisë me doktoraturë në Vjenë.
Studimet e veta i ka avancuar në Universitetin e famshëm Columbia në Nju Jork. Ka punuar në shumë institucione ndërkombëtare duke përfshirë edhe Tribunalin Ndërkombëtar për krime të luftës në ish Jugosllavi, si dhe avokate në një zyrë ndërkombëtare të avokatëve me renome të lartë.
Prej vitit 2013, Zadiq është anëtare e “Global Shapers Community”, organizatë e të rinjve të cilët marrin përgjegjësi për fatin e planetit.
Zadiq është ministrja e parë austriake e cila ka prejardhje të refugjatit. Nga Tuzlla është dëbuar së bashku me prindër në vitin 1994 dhe ka gjetur strehim në Vjenë.
