Bejta: Prokuroia ta trajtoj vendimin e lëshuar nga Ministria e Mjedisit për ndërtimin e lagjes në Badovc

Bejta problem kryesor e sheh pëlqimin e ndërtimit të kësaj lagje Ministria e Mjedisit dhe Planifikimit Hapësinor.

Sipas saj, vendimi i lëshuar nga kjo ministri duhet të trajtohet me seriozitet nga Prokuroria dhe se ndërtimi i lagjes do të binte ndesh me Planin Zhvillimor Urban të miratuar në Kuvendin Komunal të Prishtinës.

Shkrimi i plotë:

Projekti ndërtimor i quajtur si “ Lakeside Gardens” i cili po tentohet të realizohet pranë Liqenit të Badovcit nuk ka leje ndërtimi nga Komuna e Prishtinës dhe si i tillë është në kundërshtim me ligjin. Nuk ka leje ndërtimi dhe kompania në fjalë as nuk ka aplikuar për një të tillë.

Problemi kryesor sipas meje këtu është se pikrishtë institucioni që duhet ta mbrojë ambientin nga degradimi ka nxitur degradim e shkelje ligji me vendimet e tij.

Ministria e Mjedisit dhe Planifikimit Hapësinor ka lëshuar vendim që mund të ndërtohet në këtë pjesë dhe që e kushtëzon Komunën e Prishtinës të lëshojë Kushtet Ndërtimore.

Ky vendim i kësaj ministrie duhet të trajtohet me seriozitet nga Prokuroria sepse këtu si duket dikush nuk e ka prioritet shëndetin e qytetarëve dhe mbi të gjitha as zbatimin e ligjit. Ndërtimi në këtë pjesë të qytetit êshtë në shkelje të plotë të Planit Zhvillimor Urban që e kemi miratuar në Kuvend.

#përBadovcin????

#kundërdegradimit