Anton Quni kundër Agim Veliut, takohet me Haskukën e Vetëvendosjes

Deputeti i LDK-së dhe anëtari i kryesisë, Anton Quni duke se nuk pajtohet me nënkryetarin e partisë Agim Veliu sa i përket koalicionit me Lëvizjen Vetëvendosje.

Kjo pasiqë Quni i LDK-së ka zgjedhur ditën e sotme për të postuar një fotografi me kryetarin e Prizrenit Mytaher Haskukën, që vjen nga partia e Albin Kurtit.

Quni ka shkruar në Facebook se ka takuar Haskukën në vazhdën e përpjekjeve për të bërë një qeverisje më të mirë lokale.

Ai ka shtuar se si dy partnerë në qeverisje, janë zotuar që do bëjnë të mundur ofrimin e shërbimeve më të mira e më cilësore.

“Si dy partner në qeverisje, jemi zotuar që të bëjmë gjithçka që është e mundur që qytetarëve të Prizrenit tu ofrohen shërbime më të mira e më cilësore përgjatë vitit në të cilin sapo kemi hyrë”, ka shkruar tutje Quni.

Mbrëmë nënkryetari i LDK-së Agim Veliu e ka refuzuar hapur ofertën e paraqitur nga LVV-ja për koalcion me LDK-në, ofertë kjo në të cilën përfshihet rritja e numrit të ministrive në 14.

Kundër Agim Velliut ka dalë nënkryetarja e LDK-së Vjosa Osmani e cila publikisht tha se është për koalicion me LVV-në dhe se kjo parti e ka mbështetur LDK-në në kur kjo parti kishte nevojë./Periskopi//